ஆன்லைன் பயணச் சேவை நிறுவனமான மேக் மை ட்ரிப் லிமிடெட் நிறுவனம் ஆம்ஸ்டர்டாமை தலைமை இடமாக கொண்டு செயல்படும் இசி டூ புக் நிறுவனத்தை முழுமையாக கைப்பற்றியுள்ளது. அந்நிறுவனத்தின் பங்குகளை முழுமையாக மேக் மை ட்ரிப்நிறுவனம் பெற்று கொண்டது.

இசி டூ புக் நிறுவனம் விடுதி முன்பதிவு சேவையை வழங்கி வந்தது. இதனையும் மேக் மை ட்ரிப்லிமிடெட் நிறுவனம் 5 மில்லியன் டாலருக்கு பெற்றுக் கொண்டது.

இசி டூ புக் நிறுவனம் ஐரோப்பா, மேற்கு அமெரிக்கா மற்றும் உலகின் முக்கிய சுற்றுலா தளங்களாக விளங்கும் நாடுகளுக்கும் தனது விடுதி முன்பதிவு சேவையை வழங்கி வந்தது குறிப்பிடதக்கது.

மேக் மை ட்ரிப் நிறுவனத்தின் நிறுவனர் மற்றும் தலைமை நிர்வாக அதிகாரியான தீப் கல்ரா இது பிற்றி கூறுகையில் " இந்த கையகப்படுத்துதல் எங்கள் நிறுவனத்தின் விடுதி மற்றும் ஆன்லைன் விடுமுறை சேவைகளை மேம்படுத்த உதவும் " என கூறினார்.