பெங்களூர் ரியல் எஸ்டேட்டில் அனல் பறக்கும் ஏரியா!!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

    பெங்களூரு: இந்தியாவின் தகவல் தொழில்நுட்ப நகரங்களில் பெங்களூரும் ஒன்று. பெங்களூரை சுற்றி சாப்ட்வேர் மற்றும் தொழிற்துறை நிறுவனங்கள் அமைந்துள்ளதால் கர்நாடக அரசு இந்நகரின் அனைத்து பகுதிகளையும் இணைக்கும் வகையில் அவுட்டர் ரிங் ரோடு அமைத்துள்ளது இதனால் மக்கள் எந்த ஒரு முளையில் இருந்தும் மற்றொரு முனைக்கு எளிதில் செல்ல முடியும்.

    அது முதலாகவே, பெங்களூரு நகரின் சில பகுதிகள் அவற்றின் கட்டுமான வசதிகள், ஷாப்பிங் மால்கள், கல்வி நிறுவனங்கள் மற்றும் தகவல் தொழில்நுட்ப பூங்காக்களால் ஆடம்பரமான நகரப்பகுதிகளாக மாறி வருகின்றன. பெங்களூருக்கு மற்றொரு பெயர் கார்டன் சிட்டி என்பதை நாம் அனைவரும் அறிந்ததே.

    இந்நிலையில் பல ஆயிரம் கோடிகள் புழங்கும் இந்த இடத்தில், பெங்களூரின் சில பகுதிகள் மிகவும் ஆடம்பரமான பகுதிகளாக மாறி வருகிறது. இதற்கு ஏற்ப பெங்களூரு நகரத்தின் மில்லியனர் வாடிக்கையாளர்கள் தனிமையான, தங்களுக்கேற்ற வகையிலான, ஹெலிபேட் மற்றும் தொழில்முறை சேவை மற்றும் பராமரிப்பு போன்ற நவீன தொழில்நுட்ப வசதிகள் கொண்ட இடங்களையே ரியல் எஸ்டேட் செய்பவர்களிடம் விரும்பி கேட்கின்றனர்.

    இந்த வகையில் பெங்களூரு நகரில் ஆடம்பர முலாம் பூசிக் கொண்டு வளர்ந்து வரும் சில இடங்களைப் பற்றி இங்கு காண்போம்.

    எம்.ஜி ரோடு

    பெங்களூரு நகரின் மிகவும் சுறுசுறுப்பான இந்த சாலையின் ஒரு பக்கத்தில் கடைகள், அலுவலக கட்டிடங்கள், உணவகங்கள், தியேட்டர்கள் மற்றும் உணவு விடுதிகள் என பல வசதிகள் உள்ளன. டிரினிட்டி சர்க்கிளில் தொடங்கி அனில் கும்ளே சர்க்கிள் வரை நீண்டிருக்கும் எம்.ஜி சாலையில் உலகத் தரம் வாயந்த கட்டுமான வசதிகளும், கட்டிடங்களும் மற்றும் மெட்ரோ இரயில் நிலையமும் உள்ளன.

    சதாசிவ நகர்

    வடக்கிலுள்ள மேக்ரி சர்க்கிளிலிருந்து தெற்கின் பாஷயம் சர்க்கிள் வரை நீண்டு செல்லும் சதாசிவ நகர் பகுதி, பெங்களூரின் பழமையான ஆடம்பர பகுதிகளில் ஒன்றாகும். இங்கே குடியேறியுள்ளவர்களில் பெரும்பாலானவர்கள் பழைமையான குடும்பத்தைச் சேர்ந்தவர்களாகவும், பெங்களூர் நகரத்தின் பாரம்பரியம் மற்றும் மரபை காக்க நினைப்பவர்களாகவும் உள்ளனர். திரைப்பட நட்சத்திரங்கள், அரசியல்வாதிகள், தொழில்முனைவர்கள், தொழில் பிரபலங்கள் என பலரும் வசிக்கும் மிக ஆடம்பரமான பகுதியாக இந்த இடம் விளங்குகிறது. அதே சமயத்தில் மிகவும் பாதுகாப்பான பகுதியாகவும் சதாசிவ நகர் உள்ளது.

    இந்திரா நகர்

    இந்தியாவின் கர்நாடக மாநிலத்திலுள்ள பெங்களூரு நகரின் சிறிய ஆடம்பரப் பகுதியாக இந்திரா நகர் உள்ளது. மேற்கில் உல்சூர், தெற்கில் டோம்லுர், வடக்கில் பையப்பனஹள்ளி மற்றும் கிழக்கில் விமானபுரா ஆகிய இடங்களைக் கொண்டுள்ளது இந்திரா நகர். மிகப்பெரிய பிராண்ட் ஷோரூம்கள், பப்கள், கஃபே மற்றும் நட்சத்திர உணவகங்கள், கல்வி நிலையங்கள் ஆகியவை இப்பகுதியை சூழ்ந்துள்ளது.

    கோரமங்களா

    பெங்களூரு நகரத்தின் தென்-கிழக்கு பகுதியில் உள்ள கோரமங்களா, பெங்களூருவாசிகள் வாழ்வதற்கு, மிகவும் அதிகமான விலை கொடுத்து வாங்கத் தயாராக உள்ள பகுதியில் ஒன்று. ஷாப்பிங் சென்டர்கள், மால்கள் மற்றும் உணவகங்கள் ஆகியவற்றால் வணிகமயமாக்கப்பட்டுள்ள இந்த பகுதியின் போக்குவரத்து மற்றும் மக்கள் தொகை ஆகியவை நாளுக்கு நாள் அதிகரித்து வருகின்றன.

    தமிழ் குட்ரிட்டன்ஸ் செய்திகளை உடனுக்குடன் படிக்க

    English summary

    Bangalore's Top Posh Expensive Realty Area

    Once Bangalore emerged as a IT hub of India, state government of Karnataka started to develop well connected roads with least traffic to reach most of the places within the city. Since then few places come into picture as the posh areas of Bangalore.
    Company Search
    Enter the first few characters of the company's name or the NSE symbol or BSE code and click 'Go'
    Thousands of Goodreturn readers receive our evening newsletter.
    Have you subscribed?

    Find IFSC

    Get Latest News alerts from Tamil Goodreturns

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more