விஷால் சிக்கா

குஜராத் மாநிலத்தில் உள்ள வதோதராவில் பிறந்த 47 வயதான சிக்காதான் இன்போசிஸ் நிறுவனத்தின் அடுத்த சிஇஓ என்பது தற்போது ஏறக்குறைய உறுதியாகிவிட்டது என இன்போசிஸ் நிறுவநத்தின் பெயர் வெளியிட விரும்பாத உயர் அதிகாரிகள் தெரவித்தனர்.

நாராயணமூர்த்தியின் சாய்ஸ்

இன்போசிஸ் நிறுவனர் நாராயண மூர்த்தி மற்றும் மூத்த தனி இயக்குநர் காமத் ஆகியோரின் சாய்ஸும் சிக்காதான் என்றும், இதற்காகவே சாப் நிறுவனத்தை விட்டு கடந்த மாதத் துவக்கத்திலேயே சிக்கா வெளியேறினார் என்றும் இன்போசிஸ் வட்டாரங்கள் தெரிவித்தன.

நியமனக் குழு

சிஇஓவைத் தேர்ந்தெடுக்க நியமிக்கப்பட்ட கமிட்டியில் காமத் தவிர, பயோகான் நிறுவனர் கிரண் மசூம்தார்-ஷா மற்றும் அசோக் லேலண்டின் முன்னாள் நிர்வாக இயக்குநர் ஆர். சேஷசாயி ஆகியோரும் உள்ளனர் என்பது குறிப்பிடத்தக்கது.

ஒரு வாரக் காலம்

சிக்காவின் பணி நியமன விவரம் குறித்து அடுத்த சில நாட்களுக்குள் அதிகாரப்பூர்வ அறிவிப்பு வெளியாகும் என்று தெரிகிறது.

உறுதியான பதில் கிடைக்கவில்லை

ஆனாலும் இது குறித்த இமெயில்களுக்கு நாராயண மூர்த்தியோ அல்லது சிக்காவோ பதில் ஏதும் அனுப்பவில்லை. எல்லாம் ஊகங்கள்தான் என்றும் இன்போசிஸ் வட்டாரங்கள் தெரிவித்துள்ளன.