ஆகஸ்ட் 1

இன்போசிஸ் நிறுவனத்தின் தற்போதைய சீஇஓவான ஷிபுலால் இந்நிறுவன பதவி மற்றும் பொறுப்புகளில் இருந்து ஜூலை 30ஆம் தேதி விலகுகிறார். அதற்கு அடுத்த நாளான ஆகஸ்ட் 1ஆம் தேதி விஷால் சிக்கா நிறுவன பொறுப்பை ஏற்கிறார். விஷால் சிக்காவிற்கு தற்போது வயது 47.

மொத்த தொகை

சிக்காவிற்கு ஒரு வருடத்திற்கு சம்பளம் மற்றும் பங்கு மதிப்புடன் சேர்த்து மொத்தம் 42 கோடியே 48 இலட்சம். ஆனால் மைக்ரோசாப்ட் நிறுவனத்தின் சீஇஓவிற்கு 108 கோடி சம்பளம், அதேபோல் ஐபிஎம் நிறுவனத்தின் சம்பளம் 96 கோடி சம்பளம் கிடைக்கிறது. இந்நிறுவனங்களும் கிட்டதட்ட ஒரே துறையில் தான் பணியாற்றுகின்றன, வருமானத்தில் சில மாற்றங்கள் இருந்தாலும் நிறுவன பொறுப்புகள் ஒன்றுதான்.

பிரச்சனைகள் தாண்டி வந்த இன்போசிஸ்

இன்போசிஸ் நிறுவனம் கடந்த ஒரு வருடமாக பல பிரச்சனைகள் சந்தித்து வந்து அதில் முக்கியமான சில, நாம் அனைவருக்கும் தெரிந்த ஒன்று உயர் அதிகாரிகளின் வெளியேற்றமம், உயர் அதிகாரிகள் மட்டும் அல்லாமல் ஒட்டுமொத்தமாக நிறுவனத்தில் சேருபவரின் எண்ணிக்கையை விட வெளியேறுபவரின் எண்ணிக்கை அதிகமாக இருந்தது. அதேபோல் பல முக்கிய பிராஜக்ட்கள் இன்போஸ் நிறுவனத்தை விட்டு போனது இதனால் பெறுத்த நஷ்டத்தை சந்தித்தது. இன்னும் பல உள்ளது.

நாராயணமூர்த்தி

இந்நிறுவனத்தை விட்டு வெளியேறிய நாராயணமூர்த்தி தற்போது ஆன்லைன் சில்லைறை வர்த்தக நிறுவனமான அமேசான் நிறுவனத்தின் மீது தனது சொந்த முதலீட்டு நிறுவனமான கட்டமரான் நிறுவனத்தின் மூலம் பல கோடி முதலீடு செய்ய திட்டமிட்டுள்ளார். இது மட்டும் அல்லாமல் பல நிறுவனங்களில் முதலீடு செய்யவும் திட்டமிட்டுள்ளார் என்பது குறிப்பிடதக்கது.

முக்கிய கூட்டம்

இந்நிறுவனம் வருகிற ஜூலை 30ஆம் தேதி இந்நிறுவனத்தின் பங்குதாரர்களுடன் சிக்காவின் நியமனத்தை பொருட்டு ஒரு மிகப்பெரிய கூட்டத்தை கூட உள்ளது. இதில் இன்போசிஸ் நிறுவனத்தின் அனைத்து பங்குதாரர்களும் கூடுகின்றனர்.