மும்பை: இந்தியாவின் மிகப்பெரிய பொதுத்துறை வங்கி நிறுவனமான ஸ்டேட் வங்கி சில குறைந்த கால வைப்பு நிதிகளுக்கான வட்டி விகிதத்தை 0.5 சதவீதமாக குறைத்துள்ளது. மேலும் இந்த வட்டி குறைப்பு இந்தியாவின் மற்ற வங்கிகளும் நடைமுறைபடுத்தும் என தெரிகிறது.
ஸ்டேட் வங்கியின் 7-179 நாட்கள் முதிர்வு காலம் கொண்ட வைப்பு நிதிகளுக்கான வட்டி விகிதம் 7.5 சதவீதத்தில் இருந்து 7 சதவீதமாக குறைக்கப்பட்டுள்ளதாக இவ்வங்கி தெரிவித்துள்ளது.
வட்டி வகிதம்
இந்த வட்டி மாற்றம் வருகிற ஜூலை 18ஆம் தேதி முதல் அமலுக்கு வரும் என தெரிகிறது. மேலும் 60 நாட்கள் முதிர்வு காலம் கொண்ட வைப்பு நிதிகளுக்கு 0.25 வட்டி குறைத்து 6.25 சதவீதமாக வட்டி அளிக்கப்படுகிறது.
ரிசர்வ் வங்கி
கடந்த மாதம் ரிசர்வ் வங்கி பணவீக்கத்தை கட்டுப்படுத்து நோக்கில் தனது நிதிக்கொள்ளையில் எந்த ஒரு மாற்றத்தையும் செய்யவில்லை. இதனால் வங்கிகளும் தனது வட்டி வகிதத்தில் எந்தொரு மாற்றமும் செய்யமல் அப்போது மகிழ்ச்சியாக இருந்தது. ஆனால் தற்போது வங்கி செலவுகளை ஈடுகட்டும் நோக்கில் ஸ்டேட் வங்கி தனது வைப்பு நிதிகளுக்கான வட்டி வகிதத்தில் குறைவு செய்துள்ளது.
ரெப்போ விகிதம்
ரிசர்வ் வங்கி வங்கிகளுக்கு அளிக்கும் கடன் தொகைக்கான வட்டி வகிதம் (ரெப்போ விகிதம்) நிதிக்கொள்கையில் 8 சதவீதமாக உள்ளது. அதேபோல் சிஆர்அர் 4 சதவீதமாக உள்ளது.
வங்கிகளின் தலைவலி
மேலும் இந்திய பொதுத்துறை வங்கிகளுக்கு வராக் கடன் வகிதம் தொடர்ந்து அதிகரித்த வண்ணமே உள்ளதால், அதை கட்டுப்படுத்த நிதியமைச்சகம் ஒரு தனி குழு ஒன்றை அமைத்துள்ளது.