முக்கிய துறைகள் பணியாளர்கள் மட்டும்

மென்பொருள் ஏற்றுமதி நிறுவனமான இன்போசிஸ் தனது விற்பனையை அதிகரிக்க, விற்பனை, டெலிவரி மற்றும் வர்த்தக துறையில் சுமார் 5000 பணியாளர்களுக்கு பதவி உயர்வு அளித்துள்ளது. மேலும் ஒட்டு மொத்தமாக கடந்த 2014ஆம் ஆண்டின் ஏப்ரல் மாதத்தில் இருந்து சுமார் 19,000 பணியாளர்களுக்கு பதவி உயர்வு அளித்துள்ளது.

பணியாளர்கள் வெளியேற்றம் குறைந்தது

கடந்த 7 மாதமாக இன்போசிஸ் நிறுவனத்தில் பணியாளர்கள் வெளியேறும் எண்ணிக்கை அதிகரிக்காமல் நிலைபெற்றுள்ளது. இதற்கு முக்கிய காரணம் விஷால் சிக்கா நிறுவனத்தில் பொறுப்பேற்றிய உடன் பணியாளர்களுக்கு பதவி உயர்வு மற்றும் 100 சதவீத போனஸ் என் பணியாளர்களுக்கு சாதகதமாக பல முயற்சிகள் செய்தார். இதனால் நிறுவனத்தில் இருந்து பணியாளர்கள் வெளியேற்றுவோர் எண்ணிக்கை குறைந்துள்ளது.

புதிய துறைகள்

மேலும் இந்நிறுவனம் நிறுவனத்தின் வளர்ச்சிக்காக புதிய தொழில்நுட்பங்களை தேர்ந்தெடுத்துள்ளது. இதன் மூலம் நீண்ட கால குறிக்கோளாக இந்நிறுவனம் புதிய துறைகளில் அதிகளவில் முதலீடு செய்து வருகிறது.

பங்கு சந்தை

இன்போசிஸ் பங்குகள் கடந்த மே மாதம் கடுமையான சரிவை சந்தித்து 2,921 ரூபாய்க்கு விற்கப்பட்டது. கடந்த 5 மாதத்தில் இந்நிறுவன பங்குகள் பல நாட்களில் சரிந்தாலும், தொடர்ந்து உயர்ந்த வண்ணமே உள்ளது. தற்போது இந்நிறுவன பங்குகள் 3945 ரூபாய்க்கு விற்கப்படுகிறது.