தொடர் உயர்வு

கடந்த ஐந்து நாட்களாக மும்பை பங்கு சந்தை உயர்வுடனே காணப்படுகிறது, இதன் தொடர்ச்சியாக இன்று காலை 11 மணியளவில் 80 புள்ளிகள் உயர்ந்து 28,865 புள்ளிகளை எட்டியுள்ளது. அதேபோல் நிப்டியில் 14.75 புள்ளிகள் உயர்ந்து 8,711.55 புள்ளிகளை எட்டியுள்ளது.

முக்கிய துறைகள்

இன்றைய வர்த்தகத்தில் வங்கி, கட்டுமானம் மற்றும் மூலதன சந்தைகளின் வர்த்தகம் 1.03 சதவீதம் உயர்ந்து உள்ளது.

ரிசர்வ் வங்கி

ரிசர்வ் வங்கி ரெப்போ விகிதத்தை குறைத்ததால் வங்கிகளின் வர்த்தகம் அதிகரித்துள்ளது இதன் எதிரோலியே பங்கு சந்தையில் வெளிப்படுகிறது.

டாப் நிறுவனங்கள்

இன்றைய வர்த்தகத்தில் ஹெச்டிஎஃப்சி, எஸ்பிஐ, ஐசிஐசிஐ வங்கி, சன் பார்மா, எல்& டி, மாருதி சுசுகி, எம் & எம், ஹிந்துஸ்தான் யூனிலீவர், ஹீரோ மோட்டோகார்ப், ஹெச்டிஎப்சி வங்கி, ஆக்ஸிஸ் வங்கி, பார்தி ஏர்டெல், கோல் இந்தியா, டிசிஎஸ் நிறுவனங்களின் பங்குகள் அதிகளவில் வர்த்தகம் செய்யப்படுகிறது.

நாட்டின் வளர்ச்சி

மேலும் 2015ஆம் நிதியாண்டில் இந்தியாவின் வளர்ச்சி விகிதத்தின் அளவு சீனாவை பின்னுக்கு தள்ளும் என்று சில ஆய்வு நிறுவனங்கள் கருத்து தெரிவித்துள்ளது. அதுமட்டும் அல்லமல் சீனாவின் வளர்ச்சி விகிதம் 24 வருட சரிவை தழுவியுள்ளது. இதன் காரணமாகவும் இந்திய சந்தையில் வர்த்தகம் அதிகரித்துள்ளது.

குட்ரிட்டன்ஸ்

இனி வணிகச் செய்திகளுக்காக தமிழ் குட்ரிட்டன்ஸ் தளத்தை பேஸ்புக் மூலம் இணைந்திடுங்கள். இணைந்திட இதை கிளிக் செய்திடவும்.