டெல்லி: இந்திய ஆட்டோமொபைல் உற்பத்தியாளர்கள் அமைப்பான (SIAM) அளித்த தகவலின் படி பிப்ரவரி மாதத்தில் இந்தியாவில் கார் விற்பனை சுமார் 6.85 சதவீதம் உயர்ந்துள்ளது.

பிப்ரவரி மாத்தில் இந்தியாவில் மட்டும் சுமார் 1,71,727 கார்களை விற்பனை செய்யப்பட்டுள்ளது, கடந்த ஆண்டில் இதே காலகட்டத்தை ஒப்பிடுகையில் உற்பத்தி நிறுவனங்கள் 1,60,717 கார்களை மட்டுமே விற்பனை செய்யப்பட்டுள்ளது குறிப்பிடதக்கது.

இதே காலகட்டத்தில் இரு சக்கர வாகன விற்பனை 8.22 சதவீதம் குறைந்துள்ளது. 2014ஆம் நிதியாண்டின் பிப்ரவரி மாதத்தில் உள்நாட்டில் இரு சக்கர வாகன உற்பத்தி நிறுவனங்கள் 7,74,122 வாகனங்களை மட்டுமே விற்பனை செய்திருந்தது.

கடந்த வருடம் இதே காலகட்டத்தில் இதன் எண்ணிக்கை 8,43,436 ஆக இருந்தது கவனிக்க வேண்டியவை.

கார்களின் விற்பனையை போலவே வணிக வாகனங்களின் விற்பனையும் 10.1 சதவீதம் உயர்ந்து விற்பனை எண்ணிக்கையின் அளவு 52,843 ஆக உயர்ந்துள்ளது. கடந்த வருடம் இதன் எண்ணிக்கை 47,982ஆக இருந்தது.

பிப்ரவரி மாதத்தில் மொத்த வாகன விற்பனையின் அளவு வெறும் 0.15 சதவீதம் மட்டுமே உயர்ந்துள்ளதாக இந்திய ஆட்டோமொபைல் உற்பத்தியாளர்கள் அமைப்பான (SIAM) தெரிவித்துள்ளது.