ரயில் டிக்கெட்

பயணிகள் ரயில் டிக்கெட் எடுக்காமல் பயணம் செய்வதாலும், சரியான டிக்கெட் எடுக்காமல் அதிக தூரத்திற்கு பயணம் செய்வதாலும் ரயில்வே துறைக்கு கடந்த 4 வருடங்களில் சுமார் 2,000 கோடி ரூபாய் அளவு நஷ்டம் ஏற்பட்டுள்ளதாக இத்துறை தெரிவித்துள்ளதாக இந்தியா ஸ்பென்ட் நிறுவனம் கூறுகிறது.

சராசரி விகிதம் அதிகரிப்பு

2000-01ஆம் நிதியாண்டில் தலைக்கு 10 பைசாவாக இருந்த நஷ்ட விகிதம், 2012-13ஆம் ஆண்டு காலகட்டத்தில் 23 பைசாவாக உயர்ந்துள்ளது என ரயில்வே துறை வருத்தம் தெரிவித்துள்ளது.

4.5 கோடி மக்கள்

அர்ஜென்டீனா நாட்டின் மக்கள் தொகையை விட அதிகளவிலான இந்திய மக்கள், ரயில் டிக்கெட் எடுக்காமல் பயணம் செய்து வருவதாக புள்ளிவிபரம் கூறுகிறது. கடந்த 4 வருட காலகட்டத்தில் டிக்கெட் எடுக்காமல் பயணித்த 4.5 கோடி மக்களின் மூலம் 1,915 கோடி ரூபாய் நஷ்டம் ஏற்பட்டுள்ளது.

பயணிகள்

2013-14ஆம் ஆண்டு காலகட்டத்தில் வடக்கு மண்டல பகுதியில் சுமார் 1.9 மில்லியன் மக்கள் டிக்கெட் எடுக்காமல் பயணம் செய்துள்ளதாகவும், மத்திய மண்டல பகுதியில் 84 கோடி ரூபாய் அதிகப்படியான நஷ்டத்தைச் சந்தித்துள்ளதாகவும் இந்தியா ஸ்பென்ட் நிறுவனம் தெரிவித்துள்ளது.