சாலை வரி

ஒரு வாகன உரிமையாளர் அரசு சாலையைப் பயன்படுத்துவதற்கு விதிக்கப்படும் வரி தான் ரோடு டாக்ஸ். இதுஇந்தியாவில் மட்டும் அல்லாமல் உலக நாடுகளிலும் நடைமுறையில் உள்ளது.

வாகனங்கள்

இந்தியாவில் வாகனங்களுக்கு ஏற்றவாறு சாலை வரி விதிக்கப்படுகிறது.

குறைந்த விலை (ரூ.3 முதல் 6 லட்சம்) கொண்ட கார் மற்றும் வேன், நடுத்தர விலை (ரூ.6 முதல் 10 லட்சம்), ஆடம்பர கார்கள்(ரூ.10 முதல் 20 லட்சம்) மற்றும் சிஎன்ஜி வாகனங்கள் என நான்கு நிலைகளில் வரி வசூல் செய்யப்படுகிறது.

கர்நாடகா

இந்த நான்கு நிலைகளிலும் கர்நாடகா அதிக வரி வசூல் செய்யும் மாநிலமாக உள்ளது. குறைந்த விலை கொண்டகார்களுக்கு 14.43%, நடுத்தர விலை கொண்ட கார்களுக்கு 15.54%, ஆடம்பர கார்களுக்கு 18.87% வரியை விதிக்கப்படுகிறது.

தமிழ்நாடு

குறைந்த விலை கொண்ட கார்களுக்கு 10%, நடுத்தர விலை கொண்ட கார்களுக்கு 10%, ஆடம்பர கார்களுக்கு 15% வரியை தமிழ்நாடு அரசு விதிக்கிறது.

வட மாநிலங்கள்

இந்தியாவில் அதிக எண்ணிக்கையிலான வாகனங்களை இயக்கும் வட மாநிலங்களில் குறைந்த விலை கொண்டகார்களுக்கு 4% வரியும், நடுத்தர விலை கொண்ட கார்களுக்கு 8% வரியை மட்டுமே விதிக்கிறது.

குறைவான வரி

இந்திய மாநிலங்களில் சிக்கிம் மாநிலம் 1 சதவீத்ததிற்கும் குறைவான வரி, திரிபுரா 1.5 சதவீதம், மேகாலையா 2.5 சதவீதம்,அருணாசல பிரதேசம் 3.5 சதவீதம், மிசோரம் 3 சதவீதம், சண்டிகர் 4 சதவீதம் ஆகியவை குறைவான வரி விதிக்கும் மாநிலங்கள் பட்டியலில் டாப் 5 இடங்களைப் பிடித்துள்ளது.