28.81 பில்லியன் டாலர்

2014ஆம் நிதியாண்டின் ஏப்ரல் - பிப்ரவரி வரையிலான காலகட்டத்தில் சீனா, அமெரிக்கா நாடுகள் உட்பட்ட பல நாடுகள் இந்திய சந்தையில் 28.81 பில்லியன் டாலர் வரை முதலீடு செய்துள்ளது.

இது கடந்த நிதியாண்டை ஒப்பிடுகையில் இதன் அளவு 39 சதவீதம் அதிகம் என மத்திய தொழில்துறை கொள்கை மற்றும் மேம்பாட்டு துறை தெரிவித்துள்ளது.

கடந்த நிதியாண்டில் இதன் அளவு 20.76 பில்லியன் டாலராக இருந்தது.

டாப் 10 துறைகள்

இந்தியாவில் அந்நிய முதலீடுகள் குவியும் டாப் 10 துறைகளில், சேவைத்துறை முதன்மையானது. இதன்படி கடந்த 11 மாத காலகட்டத்தில் சேவைத் துறையில் மட்டும் சுமார் 2.88 பில்லியன் டாலர் முதலீடு செய்யப்பட்டுள்ளது.

பிற துறைகள்

பிற முக்கிய துறைகளான தொலைதொடர்பு துறையில் 2.85 பில்லியன் டாலரும், ஆட்டோமொபைல் துறையில் 2.42 பில்லியன் டாலரும், கம்பியூட்டர் மென்பொருள் மற்றும் வன்பொருள் துறையில் 2.04 பில்லியன் டாலரும், பார்மா துறையில் 1.30 பில்லியன் டாலர் அளவு முதலீடு செய்யப்பட்டுள்ளது.

மொரிஷியஸ்

இந்தியாவில் அதிகளவில் முதலீடு செய்த நாடுகளில் மொரிஷியஸ் 8.44 பில்லியன் டாலர் முதலீடு செய்து முதலிடத்தில் உள்ளது.

சிங்கப்பூர் ( 6.42 பில்லியன் டாலர்), நெதர்லாந்து ( 3.29 பில்லியன் டாலர்), ஜப்பான் (1.72 பில்லியன் டாலர்) மற்றும் அமெரிக்கா (1.69 பில்லியன் டாலர்) ஆகிய நாடுகள் அடுத்தடுத்த இடங்களைப் பிடித்துள்ளன.

நிலுவை தொகை

நாட்டில் அந்நிய முதலீடு தொடர்ந்து அதிகரித்து வருவதால் மத்திய அரசு நிலுவை தொகையை சரியான காலகட்டத்தில் செலுத்தி வருவதாக நிதியமைச்சகம் தெரிவித்துள்ளது.