டெல்லி: இந்திய தகவல் தொழில்நுட்பத் துறையில் நீங்கா இடத்தைப் பிடித்திருக்கும் டெக் மஹிந்திரா நிறுவனத்தின் லாபம் அளவு 23 சதவீதம் சரிந்துள்ளது.

2014ஆம் நிதியாண்டின் கடைசிக் காலாண்டில் டாலர் மதிப்பு வீழ்ச்சியாலும், பணியாளர்களின் சம்பள உயர்வினாலும் டெக் மஹிந்திரா நிறுவனத்தின் லாப அளவு கடந்த நிதியாண்டை விடவும் 473 கோடி ரூபாய் குறைவாகப் பதிவாகியுள்ளது.

இக்காலாண்டில் இந்நிறுவனம் வெறும் 614.21 கோடி ரூபாய் மட்டுமே மொத்த லாபமாகப் பதிவு செய்துள்ளது.

இருப்பினும் நிறுவனத்தின் மொத்த வருவாயில் 20 சதவீதம் வளர்ந்து 6,116.79 கோடி ரூபாயாக உள்ளது.

மார்ச் மாத கணக்கின் படி டெக் மஹிந்திரா நிறுவனத்தின் இந்திய மற்றும் வெளிநாட்டுக் கிளைகளில் சுமார் 1,03,281 பேர் பணியாற்றுகின்றனர். மேலும் இந்நிறுவனத்தின் கடன் அளவு 700 கோடியாக உள்ளது.