மும்பை: பெங்களூரை தலைமையிடமாகக் கொண்டு இந்தியா முழுவதும் செயல்படும் மெப்ஸிஸ் பீபிஓ நிறுவனத்தின் 17 கோடி ரூபாய் மதிப்புள்ள பங்குகளை ஹிந்துஜா குளோபல் சொல்யூஷன்ஸ் நிறுவனம் கையகப்படுத்தி உள்ளது.
பங்குச்சந்தைக்கு அளிக்கப்பட்டுள்ள அறிக்கையில் ஹிந்துஜா குளோபல் சொல்யூஷன்ஸ் நிறுவனம், மெப்ஸிஸ் மற்றும் அதன் கிளை நிறுவனமான MsourceE இந்தியா ஆகிய இரண்டு நிறுவனங்களின் குறிப்பிடத்தக்க அளவிலான பங்குகளைக் கையகப்படுத்தி உள்ளதாகத் தெரிவித்துள்ளது.
ஹிந்துஜா குளோபல் சொல்யூஷன்ஸ்
இதுகுறித்து HGS நிறுவனம் கூறுகையில் பங்குகளைக் கையகப்படுத்தியதன் மூலம் புதிய வாய்ப்புகள் மற்றும் நிறுவன விரிவாக்கம் பணிகளை எளிமையாக எதிர்கொள்ள முடியும் என இந்நிறுவனத்தின் தலைமை நிர்வாகி பார்தா டீசார்கார் தெரிவித்தார்.
10% வளர்ச்சி
மெப்ஸிஸ் பீபிஓ நிறுவனத்தின் 17 சதவீத பங்குகளைக் கைப்பற்றியதன் மூலம் HGS நிறுவனத்தின் வர்த்தகம் சுமார் 10 சதவீதம் வரை உயர வாய்ப்புள்ளதாக இந்நிறுவனம் தெரிவித்துள்ளது.
இந்தியா வேண்டாம்
கடந்த மார்ச் மாத நிலவரத்தின் படி மெப்ஸிஸ் நிறுவனம் இந்தியாவை விட்டு வெளியேறத் திட்டமிடுவதாகவும், அதற்க நாட்டின் தனது வர்த்தகத்தைத் தொடர்ந்து குறைத்து வருவதாகவும் தகவல் வெளியானது. இதன் காரணமாக இந்நிறுவனத்தின் செயல்பாடு வரலாறு காணாத அளவிற்குச் சரிவை தழுவியது.
அதே போன்ற நிலையில் தான் HGS நிறுவனமும் இருந்தது குறிப்பிடத்தக்கது.
160 கோடி ரூபாய் வருவாய்
இன்றைய நிலையில் HGS நிறுவனம் வருடத்திற்கு 140 - 160 கோடி ரூபாய் வருவாய் பெற்று வருகிறது. ஆனால் மெப்ஸிஸ் நிறுவனத்தில் முதலீடு செய்துள்ள அளவு வெறும் 17 கோடி ரூபாய் என்றாலும் புதிய வர்த்தகத்திற்கான வாய்ப்புகள் அதிகளவில் உள்ளதாக இந்நிறுவனம் தெரிவித்துள்ளது.
7,000 பணியாளர்கள்
HGS நிறுவனத்தின் தகவல் படி வங்கியியல் மற்றும் டெலிகாம் துறையில் சுமார் 5 வாடிக்கையாளர்களை இந்நிறுவனம் கொண்டுள்ளது. இந்நிறுவனம் இந்தியாவில் நொய்டா, ராய்ப்பூர், இந்தூர், மங்களூர், புனே மற்றும் பெங்களூரு ஆகிய 7 இடங்களில் டெலிவரி சென்டர்களை வைத்துள்ளது.
மேலும் இந்நிறுவனத்தில் சுமார் 7,000 ஊழியர்கள் பணியாற்றிகின்றனர்.
உள்நாட்டுப் பிரச்சனை
இப்பங்குகள் கைப்பற்றுதலின் மூலம் இந்தியாவில் பீபிஓ துறையில் ஏற்பட்டுள்ள வர்த்தகச் சரிவு மிகவும் தெளிவாகத் தெரிகிறது.
பங்குச்சந்தை
இரு நிறுவனங்களும் மும்பை பங்குச்சந்தையில் பட்டியலீடப்பட்டுள்ளது. இன்றைய வர்த்தகத்தில் ஹிந்துஜா குளோபல் சொல்யூஷன்ஸ் நிறுவனத்தின் பங்குகள் 1.15 சதவீதம் வரை உயர்ந்தது. அதேபோல் மெப்ஸிஸ் நிறுவனம் 0.17% வரை உயர்ந்தது.