டெல்லி: 2015ஆம் நிதியாண்டில் பெட்ரோல், டீசல் மீதான வரியில், மத்திய அரசு சுமார் 75,441 கோடி ரூபாய் வரியை வசூல் செய்துள்ளது. கடந்த வருடத்தை ஒப்பிடுகையில் தற்போது இதன் அளவு 60 சதவீதம் வரை உயர்ந்துள்ளது.

2014-15 நிதியாண்டிற்கான வரி வசூல் விபரங்களை மத்திய நிதித்துறை அமைச்சரான ஜெயந்தி சின்ஹா வெள்ளிக்கிழமை நாடாளுமன்ற கூட்டத்தில் தெரிவித்தார்.

2013-14ஆம் ஆண்டில் இதன் அளவு 50,222 கோடியாகவும், 2012-13ஆம் ஆண்டில் 46,926 கோடி ரூபாயாக இருந்தது குறிப்பிடத்தக்கது.

இந்த வரி வசூலில் மத்திய சுங்க மற்றும் கலால் வரி வருவாயும் அடக்கம். கடந்த ஒரு வருடத்தில் பெட்ரோல் மற்றும் டீசல் விலை நிலைகள் கடுமையான ஏற்ற இறக்கங்களைச் சந்தித்தது குறிப்பிடத்தக்கது.