296 நகரங்களில் '4ஜி' சேவை.. துவங்கியது 'ஏர்டெல்'!

குர்கான்: உலகின் மூன்றாவது மிகப்பெரிய தொலைத்தொடர்பு சேவை நிறுவனமாகக் கருதப்படும் ஏர்டெல், இந்தியாவில் 296 நகரங்களில் தனது 4ஜி சேவையை வெற்றிகரமாக இன்று துவங்கியுள்ளது.

பல நகரங்களில் சோதனைகள் செய்தபின் ஏர்டெல் நிறுவனம் தனது சேவை இந்தியா முழுவதும் சுமார் 296 நகரங்களில் விரிவாக்கம் செய்யத்துள்ளத்தாக வியாழக்கிழமை அறிவித்தது.

4ஜி-யின் அத்தியாயம்

அமெரிக்க, சீனா, லண்டன் போன்ற வல்லரசு நாடுகளுக்கு இணையாக இந்தியாவில் அதிவேக 4ஜி சேவை ஏர்டெல் நிறுவனத்தின் மூலம் துவங்கப்பட்டுள்ளது. இதன் மூலம் 4ஜி சேவைக்கான புதிய அத்தியாயம் இந்தியாவில் துவங்க உள்ளது.

ஏர்டெல் 4ஜி

இந்நிறுவனத்தின் 4ஜி சேவை மொபைல் போன்களில் மட்டும் அல்லாமல், டாங்கிள், 4ஜி ஹாட்-ஸ்பாட் மற்றும் வை-பை டாங்கிள் ஆகியவற்றின் மூலமும் வாடிக்கையாளர்கள் பெறலாம்.

கோபால் விட்டல்

இதுகுறித்து ஏர்டெல் நிறுவனத்தின் இந்தியா மற்றும் தென் ஆசிய பகுதிகளின், தலைவர் மற்றும் சீஈஓ-வான கோபால் விட்டல் கூறுகையில், சோதனை ஒட்டத்தில் சிறந்த முடிவுகள் மற்றும் தெளிவான சேவை கிடைத்துள்ளதால். 4ஜி சேவை இந்தியா முழுவதும் விரிவாக்கம் செய்யப்பட்டுள்ளது என அவர் தெரிவித்தார்.

போட்டி

ஏர்டெல் நிறுவனத்திற்குப் போட்டியாக முகேஷ் அம்பானி தலைமை வகிக்கும் ரிலையன்ஸ் ஜியோ இன்போகாம் தனது 4ஜி சேவை அடுத்தச் சில மாதங்களில் துவங்க உள்ளது இதனால் இந்திய சந்தையில் இரு நிறுவனங்களுக்கு மத்தியில் மிகப்பெரிய போட்டி உருவாக உள்ளது.