டெல்லி: நாட்டின் முன்னணி மலிவு விலை விமான நிறுவனமான ஸ்பைஸ்ஜெட் நிறுவனம் ஒரு லட்சம் டிக்கெட்களுக்கு 799 ரூபாய் என்னும் சலுகை விலையை அறிவித்துள்ளது.

இதுமட்டும் அல்லாமல் இந்நிறுவனத்தின் மொபைல் ஆப்களில் டிக்கெட்டை முன்பதிவு செய்யும் நபருக்குக் கூடுதலாக 10% சலுகையும் ஸ்பைஸ்ஜெட் அறிவித்துள்ளது.

சில வாரங்களுக்கு முன்றே இந்நிறுவனம் 1 ரூபாய் விமானக் கட்டணத்தை அறிவித்துச் சந்தை கலக்கியது. இதன் பின் குறுகிய காலகட்டத்திற்குள் மீண்டும் இந்நிறுவனம் கட்டண சலுகையை அறிவித்துள்ளது.

இச்சலுகை ஆகஸ்ட் 20 முதல் 22 வரை 3 நாட்களை மட்டுமே உள்ளதா ஸ்பைஸ்ஜெட் தெரிவித்துள்ளது. மேலும் இக்கட்டண சலுகையில் ஆகஸ்ட் 26 முதல் 2016 ஆண்டு மார்ச் 26ஆம் தேதி வரையிலான காலகத்தில் பயணம் செய்யலாம் என ஸ்பைஸ்ஜெட் அறிவித்துள்ளது.

ஒரு வழி பயணக் கட்டணமாகக் குறைந்தபட்சம் ரூ.799 முதல் அதிகப் பட்சமாக ரூ.2,699 கட்டணத்தில் டெல்லி, மும்பை, கோவா, பெங்களூரு, ஸ்ரீநகர் மற்றும் பிற நகரங்களுக்குச் செல்லலாம்.

உள்நாட்டு விமானச் சேவையில் இந்நிறுவனத்தின் வாடிக்கையாளர் வளர்ச்சி ஊக்குவிப்பு நடவடிக்கைகளின் ஒரு பகுதியாக ஸ்பைஸ்ஜெட் உட்படச் சந்தையின் முன்னணி நிறுவனங்கள் அடிக்கடி கட்டண சலுகையை அறிவித்து வருகின்றன.