பெங்களூரு: இந்தியாவில் இருந்து உலக நாடுகளுக்கு அதிகளவில் மென்பொருள் ஏற்றுமதி செய்யும் நிறுவனமான இன்போசிஸ் பெங்களூரில் 1,918 கோடி ரூபாய் மதிப்பிலான 3 புதிய அலுவலகங்கள் அமைக்க கர்நாடகா அரசு அனுமதி அளித்துள்ளது.
இதுக்குறித்து கர்நாடகா மாநில முதல் அமைச்சர் வெளியிட்டுள்ள அறிக்கையில், "இன்போசிஸ் அமைக்க உள்ள 3 புதிய அலுவலங்களில் (Campuses) இந்நிறுவனம் 290 மில்லியன் டாலர் அதாவது 1,918 கோடி ரூபாய் முதலீடு செய்ய உள்ளது. இதில் பெங்களூரு எல்க்ட்ரானிக் சிட்டி பகுதியில் ஒன்றும், தெற்கு பெங்களூரு பகுதியில் இருக்கும் கொனப்பன அக்ரகரா பகுதியில் 2 அலுவலகங்களும் அமைய உள்ளது" எனத் தெரிவித்தார்.
இதன் மூலம் 8,500 வேலைவாய்ப்புகள் உருவாக உள்ளதாக இன்போசிஸ் நிறுவனம் நம்பிக்கை தெரிவித்துள்ளது.