டெல்லி: உலகப் பொருளாதாரத்திற்குச் சீனாவின் வீழ்ச்சி மிகப்பெரிய பாதிப்பை அளித்து வருவது நாம் அனைவருக்கும் தெரிந்த ஒன்று, குறிப்பாக வளரும் நாடுகளான இந்தியா போன்ற முக்கிய நாடுகளின் வளர்ச்சிக்குச் சீனா உண்மையில் முட்டுக்கட்டையாக உள்ளது.
ஆனால் உலகப் பொருளாதாரத்திற்குச் சீனா மட்டும் தான் பாதிப்பை ஏற்படுத்து வருகிறதாக என்றால் உண்மையில் இல்லை. சீன பொருளாதாரத்தையும் தாண்டிப் பல விஷயங்கள் உள்ளது..
இயற்கை சீற்றம்
அடுத்த ஒரு வருட காலத்தில் உலகளவில் சுமார் 4,560 பில்லியன் டாலர் மதிப்பிலான ஜிடிபி மிகப்பெரிய பாதிப்பில் உள்ளது.
இதில் 53 சதவீதம் இயற்கை சீற்றத்தின் மூலமும், 24 சதவீதம் மனிதன் ஏற்படுத்தும் சேதங்கள் மூலமும், 23 சதவீதம் பங்குச்சந்தை வீழ்ச்சியின் மூலமும் 4,560 பில்லியன் டாலர் மதிப்பிலான ஜிடிபி பாதிப்படையும் நிலை உருவாகியுள்ளது.
எண்ணெய் மற்றும் இணையத் திருட்டு
அதுமட்டும் அல்லாமல் எண்ணெய் விலை, இணையப் பாதிப்பு எனப்படும் சைபர் அட்டாக், தங்கம் இருப்பு அளவுகள், தீவிரவாதம், மற்றும் பிற காரணங்களின் மூலம் சர்வதேச அளவில் 1,077 பில்லியன் டாலர் மதிப்பிலான சொத்துக்கள் பாதிப்படையும் நிலை உள்ளது.
இதில் எண்ணெய் விலை நிலையின் மூலம் 38 சதவீதம் வரை பாதிப்படைய உள்ளது.
டெல்லி.. மும்பை..
ஆசியாவில் இயற்கை சீற்றத்தின் மூலம் அதிகம் பாதிக்கப்படும் நகரங்கள் பட்டியலில் டெல்லி 4வது இடத்திலும், மும்பை 5வது இடத்திலும் உள்ளது. இப்பட்டியலில் முதல் 3 இடங்களில் ஷாங்காய், டோக்கியோ மற்றும் பெய்ஜிங் மாகாணங்கள் இடம்பெற்றுள்ளது.
சென்னை
அதேபோல் இந்தியாவில் அதிகப் பாதிப்படையும் நகரங்கள் பட்டியலில் சென்னை 6வது இடத்தில் 10 பில்லியன் டாலர் மதிப்பிலான ஜிடிபி பாதிப்படையும் நிலை உருவாகியுள்ளது. மேலும் இந்த இழப்பு மனித தொற்றுகளின் மூலம் நடக்கும் என்பது குறிப்பிடத்தக்கது.
பிராத்திய பொருளாதாரப் பாதிப்பு...
மேலும் தென்கிழக்கு ஆசிய பகுதியில் புயல் காரணமாக 301 பில்லியன் டாலரும், மத்திய மற்றும் தென் ஆசிய நாடுகளில் தொற்றுகளின் மூலம் 263 பில்லியன் டாலர் ஜிடிபி பாதிப்படைய உள்ளது.
பங்குச்சந்தையின் வீழ்ச்சியின் காரணமாக மேற்கு ஆசிய பகுதிகளில் 366 பில்லியன் டாலரும், லத்தின் அமெரிக்காவில் 519 பில்லியன் டாலர் மதிப்பிலான பாதிப்புகள் உருவாக உள்ளது.
சமுக வலைத்தள இணைப்புகள்
இனி உங்கள் தமிழ் குட்ரிட்டன்ஸ் தளத்தைப் பேஸ்புக், கூகிள் பிளஸ் மற்றும் டிவிட்டர் பக்கங்களின் மூலமும் இணைந்திடலாம்.
கிளிக் பண்ணுங்க.. ஷேர் பண்ணுங்க..