வேகமாக வளரும் நாடுகள் பட்டியலில் 'இந்தியா' முன்னிலை.. ஆனா 2 வருடம் காத்திருக்க வேண்டும்!

7.2 சதவீத வளர்ச்சி

2015ஆம் ஆண்டில் இந்தியாவின் ஜிடிபி வளர்ச்சி 7.2 சதவீதம் வரை வளர்ச்சி அடையும் எனவும், சர்வதேச பொருளாதார வளர்ச்சி 3 சதவீதத்திற்கும் குறைவாக இருக்கும் எனவும் OECD அமைப்பு கணித்துள்ளது.

உலகப் பொருளாதாரம்

தற்போதைய பொருளாதாரப் பிரச்சனைகளில் அதிகளவில் பாதிக்காத நாடாக இந்தியா உள்ளது என 2015ஆம் ஆண்டின் இடைக்காலப் பொருளாதாரச் சூழ்நிலைகளை மையமாக வைத்து இந்தப் பாரீஸ் ஆய்வு மையம் தனது கணிப்புகளைப் புதன்கிழமை வெளியிட்டுள்ளது.

ஆர்கனைஸேஷன் ஃபார் எகனாமிக் கோ-ஆபரேஷன் அண்ட் டெவலப்மென்ட் (OECD)

இந்தியா

OECD அமைப்பு வெளியிட்டுள்ள அறிக்கையில் 2015ஆம் ஆண்டில் இந்தியாவின் ஜிடிபி வளர்ச்சி அளவுகள் 7.2 சதவீதமாகவும், 2016ஆம் ஆண்டில் இதன் அளவு 7.3 சதவீதமாக உயரும் எனவும் தெரிவித்துள்ளது.

சீனா

இக்காலகட்டத்தில் சீனா 6.7 சதவீதமாகவும் 2016ஆம் ஆண்டில் இதன் அளவுகள் 6.5 சதவீதமாகக் குறையும் எனவும் தெரிவித்துள்ளது. சீனாவில் நிலவும் உள்கட்டப்புப் பிரச்சனைகள் மற்றும் அளவிற்கு அதிகமாக மதிப்பிடப்பட்டுள்ள நிறுவன பங்கு மதிப்புகள் ஆகியவை சீனாவை அதிகளவில் பாதித்து வருகிறது.

மேலும் ஓய்வுதியதார்ரகளின் நிதியை ஆபத்து அதிகம் உள்ள பங்குச்சந்தையில் முதலீடு செய்துள்ளதால், உலக நாடுகள் மத்தியில் இந்நாட்டின் மீதான முதலீட்டு நம்பிக்கை இழந்துள்ளது.

பிரேசில்...

அதேபோல் பிரேசில் நாட்டின் பொருளாதார வளர்ச்சியும் 2.8 சதவீதமாகக் குறைந்துள்ளது. 2016ஆம் ஆண்டில் கூடுதலாக 0.7 சதவீதம் வரை குறையும் என OECD அமைப்பு தெரிவித்துள்ளது.

இந்நாட்டில் ஆட்டோமொபைல் உற்பத்தி நிறுவனங்கள் பொருளாதாரப் பிரச்சனைகளின் காரணமாகத் தங்களது உற்பத்தி அளவுகளை அதிகளவில் குறைத்து, நிறுவனங்களில் ஊழியர்களைப் பணிநீக்கம் செய்துள்ளது.

உலகப் பொருளாதார வளர்ச்சி

உலக நாடுகளில் உள்ள முன்னணி பொருளாதார மற்றும் வங்கி அமைப்புகள் சர்வதேச பொருளாதார வளர்ச்சியை 3.5 சதவீதமாகக் கணித்துள்ள நிலையில், OECD அமைப்பு 3 சதவீதமாகக் குறைத்துள்ளது.

இவ்வமைப்பின் முந்தைய கணிப்புகளில் இதன் அளவை 3.1 சதவீதமாகக் கணித்திருந்தது.

பெடரல் ரிசர்வ்

கடைசி நேரத்தில் ஜகா வாங்கிய பெடரல் ரிசர்வ்.. சரிவில் இருந்து தப்பியது இந்திய சந்தை..!

சமுக வலைத்தள இணைப்புகள்

இனி உங்கள் தமிழ் குட்ரிட்டன்ஸ் தளத்தைப் பேஸ்புக், கூகிள் பிளஸ் மற்றும் டிவிட்டர் பக்கங்களின் மூலமும் இணைந்திடலாம்.

கிளிக் பண்ணுங்க.. ஷேர் பண்ணுங்க..