வளர்ச்சி

2000-2015ஆம் ஆண்டுக் காலத்தில் உலக நாடுகளின் செல்வ வளர்ச்சி குறித்த ஆய்வில், இந்தியா கடந்த 15 ஆண்டுகளில் சுமார் 211 சதவீதம் வரை உயர்ந்துள்ளது.

இதே பட்டியலில் இடம்பெற்றுள்ள அமெரிக்க வெறும் 41 சதவீதம் உயர்ந்துள்ளது.

இந்தியாவிற்குப் போட்டி..

டாப் 10 பட்டியலில் இந்தியா 5 வது இடத்தைப் பிடித்துள்ள நிலையில், இந்தோனேசியா, சீனா (341%), ரஷ்யா(253%), ஆஸ்திரேலியா(248%) ஆகிய நாடுகள் முதல் நான்கு இடங்களைப் பிடித்துள்ளது.

இதில் இந்தோனேசியா கடந்த 15 வருடத்தில் சுமார் 362 சதவீதம் வரையில் உயர்ந்து தனி நபரின் செல்வத்தின் அளவு 1,300 டாலரில் இருந்து 6,000 டாலராக உயர்ந்துள்ளது.

வல்லரசு நாடுகள்

டாப் 10 பட்டியலில் வல்லரசு நாடுகளான அமெரிக்கா, பிரிட்டன் மற்றும் ஜப்பான் நாடுகள் இடம்பெறவில்லை.

மேலும் கடந்த 15 வருடத்தில் ஜப்பான் 39 சதவீதமும், அமெரிக்கா 41 சதவீதமும், பிரிட்டன் 58 சதவீதம் வரை மட்டுமே உயர்ந்துள்ளதாக ஆய்வுகளின் முடிவுகள் தெரிவிக்கிறது.

இந்தியாவின் நிலை..

2000-2015ஆம் ஆண்டுக் காலகட்டத்தில் இந்தியா பொருளாதார மற்றும் அரசியல் ரீதியாகப் பல மாறுதல்களைப் பார்த்துள்ளது. இக்காலகட்டத்தில் இந்திய நாட்டின் செல்வ வளம் சுமார் 211 சதவீதம் வரை உயர்ந்துள்ளது.

இதனால் தனிநபர் செல்வ வளம் 900 டாலரில் இருந்து 2,800 டாலராக உயர்ந்துள்ளது.

புனே

மேலும் இந்த ஆய்வில் இந்தியாவில் அதிகப் பணக்காரர்கள் உருவாகும் நகரமாகவும், ஆசிய பசிபிக் சந்தையில் வேகமாக வளர்ந்து வரும் டாப் 20 நகரங்களில் புனே இடம்பெற்றுள்ளது.

மில்லியனர்கள்

2004 முதல் 2014ஆம் ஆண்டு வரையிலான காலத்தில் புனேவில் மில்லியனர்கள் எண்ணிக்கை 60 இல் இருந்து 250 ஆக உயர்ந்து 317 சதவீத உயர்வைப் பதிவு செய்துள்ளது.

சமுக வலைத்தள இணைப்புகள்

இனி உங்கள் தமிழ் குட்ரிட்டன்ஸ் தளத்தைப் பேஸ்புக், கூகுள் பிளஸ் மற்றும் டிவிட்டர் பக்கங்களின் மூலமும் இணைந்திடலாம்.

கிளிக் பண்ணுங்க.. ஷேர் பண்ணுங்க..