இந்திய ஈகாமர்ஸ் வர்த்தகம் படுஜோர்.. 2019ஆம் ஆண்டில் 35 பில்லியன் டாலரை எட்டும்..!

டெல்லி: இந்திய ஈகாமர்ஸ் வர்த்தகத் துறையின் வளர்ச்சி மிகவும் வலுவான நிலையில் காணப்படுவதுடன் 2019 ஆம் ஆண்டுகளில் இத்துறையின் வளர்ச்சி 35 பில்லியன் டாலரை எட்டும் என எதிர்பார்க்கப்படுகிறது.

"இந்திய ஈகாமர்ஸ் வர்த்தக வளர்ச்சி வலுவான நிலையில் இருப்பதோடு கணிப்புகளின் படி 35 பில்லியன் டாலர் வர்த்தக அளவை 2019 ஆண்டுகளில் எட்டும்" என நோமுரா அமைப்பின் ஆய்வு தெரிவிக்கிறது.

கவனம் தேவை..!

இனி வரும் காலங்களில் இத்துறை நிறுவனங்களை லாபகரமான நிலையில் இயங்குவதற்கு அதிகளவிலான கவனத்தைச் செலுத்த வேண்டும் என இந்த ஆய்வு தெரிவிக்கிறது.

லாபத்தில் பாதிப்பு

இத்துறையில் வளர்ச்சிக்கான வாய்ப்புகள் அதிகளவில் இருந்தாலும், நிறுவனங்கள் அதிகளவிலான தள்ளுபடி மற்றும் சலுகைகள் அளிக்கப்படுவதால் லாப அளவுகள் அதிகளவில் குறைந்து நஷ்டத்தை அடையவும் வாய்ப்புகள் உள்ளதாக ஆய்வுகளின் முடிவுகள் தெரிவிக்கிறது.

முக்கியத் துறையில் முதலீடு தேவை..

இதில் மேலும் குறிப்பிட்டுள்ள விவரங்கள்படி இத்துறையின் சில பகுதிகளில் முக்கியமான வளர்ச்சி தேவைப்படுகிறது. துறைகள் விரிவாக்கம், குறைந்த தள்ளுபடிகள், சரக்குப் போக்குவரத்து முன்னேற்றம் மற்றும் வணிக வரி செயல்படுத்துதல் ஆகியவை இதில் அடங்கும்.

இதற்கான பணிகள் நடந்துவந்தாலும் இவை பெரும் முதலீடு தேவைப்படும் பகுதிகளாக இருக்கின்றன என்று இந்தக் கட்டுரை தெரிவிக்கிறது.

நோமுரா

நோமுரா அமைப்பின் கருத்துப்படி, இந்திய ஈகாமர்ஸ் வர்த்தக நிறுவனங்களின் விழாக்கால விற்பனை சூடுபிடிக்கத் தொடங்கியிருந்தாலும் சீனா மற்றும் அமெரிக்காவை ஒப்பிடுகையில் பரபரப்பு குறைவாகவே உள்ளது.

அலிபாபா

சீனாவில், அலிபாபா நிறுவனம் ஒரு நாள் வர்த்தகத்தின் உச்ச சாதனை அளவாக 9 பில்லியன் டாலர் அளவிற்குக் கடந்த 2014 ஆம் ஆண்டு நவம்பர் 11ஆம் தேதி விற்பனை செய்தது.

அதேபோல் அமெரிக்காவில் சைபர் டே (நன்றியுரைக்கும் நாளை அடுத்து வரும் திங்கட்கிழமை) அன்றும் ப்ளாக் ஃப்ரைடே எனப்படும் வெள்ளிக்கிழமை அன்றும் சுமார் தலா 3 பில்லியன் டாலர் அளவிற்கு 2014 ஆண்டு விற்றுச் சாதனை படைத்தது.

விழாக்கால விற்பனை

சர்வதேச சந்தையை ஒப்பிடும்போது இந்தியாவின் விழாக்கால விற்பனை 4 பில்லியன் டாலரை எட்டும் என எதிர்பார்க்கப்படுகிறது. அதேபோல் விழாக்காலமான அக்டோபர் மாதம் முதல் டிசம்பர் மாதம் வரையிலான விற்பனை ஈகாமர்ஸ் விற்பனை நிறுவனங்களின் ஆண்டின் மொத்த விற்பனையில் 35 முதல் 40 சதவிகிதமாக உள்ளது.

இணைய விற்பனை

டெக்னோபாக் என்ற இந்திய இணைய விற்பனை நிறுவனம் 2015 ஆம் ஆண்டில் 7 பில்லியன் டாலர் அளவிற்குப் பதிவு செய்ததோடு வரும் ஆண்டில் அது 10 பில்லியன் டாலராக உயரும் என எதிர்பார்க்கப்படுகிறது. இதனால் வரும் ஆண்டின் விழாக்கால விற்பனை 4 பில்லியன் டாலர் அளவிற்கு இருக்கும் எனவும் எதிர்பார்க்கப்படுகிறது.