டெல்லி: இந்திய சந்தையில் மென்பொருள் ஏற்றுமதியில் முக்கிய நிறுவனமாகத் திகழும் டெக் மஹிந்திரா, ஜூன் - செப்டம்பர் காலாண்டில் நிலையான வர்த்தகம் மற்றும் புதிய வாடிக்கையாளர்களின் மூலம் நிறுவனத்தின் லாப அளவுகள் 16.2 சதவீதம் வரை உயர்ந்துள்ளது.
இதனால் இந்நிறுவனத்தின் லாப அளவுகள் சுமார் 785.6 கோடி ரூபாயாக உள்ளது.
மேலும் இக்காலகட்டத்தில் டெக் மஹிந்திரா நிறுவனத்தின் வருவாய் அளவுகள் 5.1 சதவீதம் வரை உயர்ந்து 6,615.5 கோடி ரூபாயாக உயர்ந்துள்ளது.
இத்துறையில் சக போட்டி நிறுவனங்கள் டாலர் வருவாயில் சரிவை தழுவிய போது, டெக் மஹிந்திராவின் டாலர் வருவாய் 2.2 சதவீதம் உயர்ந்து 1.011 பில்லியன் டாலராக உள்ளது.
சந்தையில் பிற நிறுவனங்களைக் காட்டிலும் இந்நிறுவனத்தில் ஊழியர்கள் வெளியேற்ற விகிதம் 20 சதவீதமாக உள்ளது.
செப்டம்பர் 30ஆம் தேதியுடன் முடிவடைந்த காலாண்டில் இந்நிறுவனத்தின் வரிச் செலவுகள் 24 சதவீதம் அதிகரித்து 260.5 கோடி ரூபாயாக உயர்ந்துள்ளது.