டோக்கியோ: ஆஸ்திரேலியாவில் வேலையில்லாதோர் எண்ணிக்கை அதிகளவில் குறைந்ததை அடுத்து ஆசிய சந்தையில் அனைத்து நாணய மதிப்புகள் சரிந்தது. குறிப்பாக வர்த்தக உலகை ஆளும் அமெரிக்க டாலர் மதிப்பு அதிகளவிலான சரிவை சந்தித்துப் பிற நாட்டு நாணயங்களின் மதிப்பையும் குறைத்து வருகிறது.
பொதுவாக அமெரிக்கா பொருளாதாரம் மற்றும் டாலர் மதிப்பைக் கொண்டே உலக நாடுகளின் நாணய மதிப்புகள் நடனம் ஆடும்.
ஆனால் தற்போது அமெரிக்கச் சந்தையில் நிலவும் குறைவான பணவீக்கத்தின் காரணமாக அமெரிக்கப் பொருளாதாரம் என்னும் குடுமி உலக நாடுகளின் கையில் உள்ளதாக ஒரு மாயை உருவாகியுள்ளது. இந்த நிலை எப்போதும் வேண்டுமானாலும் மாறாலம்.
நாணய மதிப்பு மற்றும் பரிமாற்றங்கள் குறித்த இன்றைய நிலவரம்..!
யுவான் மதிப்புச் சரிவு..
அதுமட்டும் அல்லாமல் ஐஎம்எப் முடிவுகள் மற்றும் ஆமெரிக்க டாலர் பரிமாற்ற வர்த்தகத்தில் இருக்கும் பிரச்சனையின் காரணமாகச் சீனா யுவான் மதிப்பும் தொடர்ந்து 8வது நாளாக இன்று சரிந்துள்ளது.
ஆஸ்திரேலியா
அக்டோபர் மாதத்திற்கான ஜாப்ஸ் டேட்டா அறிக்கையை ஆஸ்திரேலியா அரசு திங்கட்கிழமை வெளியிட்டது.
இதில் வேலையில்லாதோர் எண்ணிக்கை, கணிப்புகளுக்கும் குறைவான அளவான 5.9 சதவீதம் பதிவு செய்து வலுவான நிலையை அடைந்தது ஆஸ்திரேலியா அரசு.
அமெரிக்கப் பெடரல் வங்கி
பெடரல் வங்கியின் தலைவர் ஜெனெட் கூறுகையில், முதலீட்டாளர்கள், அதிக லாபம், குறைவான ஆபத்து உடையச் சந்தையில் அதிகளவில் முதலீடு செய்து வருகின்றனர்.
மேலும் தற்போது உள்ள பொருளாதாரச் சூழ்நிலையில் முதலீட்டாளர்கள் அனைவரும் குறுகிய கால முதலீட்டாளராக மாறியுள்ளது தனக்கு வருத்தமாக உள்ளது எனத் தெரிவித்தார்.
முதலீடு குவியும்..
வர்த்தக உலகின் கிங்மேக்கரான அமெரிக்கா டாலரின் மதிப்பு சரிய துவங்கியதால் முதலீட்டாளர்கள் லாபகரமான சந்தையை நோக்கிய செல்ல துவங்கியுள்ளனர். குறிப்பாக இதில் ஆஸ்திரேலியா, இந்தியா இடம்பெற்றுள்ளது.
டிசம்பர்
மேலும் ஐரோப்பா மற்றும் ஜப்பான் போன்ற பெரும் பொருளாதார நாடுகள் உள்நாட்டுப் பிரச்சனை மற்றும் மந்தமான பொருளாதாரச் சூழலில் தவித்தும் நிலையில் அமெரிக்கா பெடரல் வங்கி டிசம்பர் மாதம் தனது வட்டி விகித உயர்வை அறிவிக்க உள்ளதாகச் செய்திகள் வெளியாகியுள்ளது.
இதனால் ஐரோப்பா, ஜப்பான் போன்ற நாடுகள் மட்டும் அல்லாமல் வளர்ந்து வரும் நாடுகளான இந்தியாவும் அதிகளவில் பாதிக்கப்படும்.
சீனா
சர்வதேச நாணய நிதியத்தின் SDR basket இல் சீனா யுவான் நாணயத்தைச் சேர்க்கும் முடிவுகளை அடுத்தச் சில நாட்களில் ஐஎம்எப் முடிவு செய்ய உள்ளது.
மேலும் அமெரிக்கா டாலர் மற்றும் யுவான் நாணயங்கள் மத்தியிலான சமநிலை விகிதம் அதிகளவில் குறைந்துள்ளதால் சர்வதேச நாணய சந்தையில் யுவான் மதிப்பு 14 புள்ளிகள் குறைந்துள்ளது.