என்ன செய்யப் போகிறது வோடபோன்..?

வோடபோன் நிறுவனத்தின் இந்த 13,000 கோடி ரூபாய் முதலீட்டில் 8,000 கோடி ரூபாயில் நிறுவன நெட்வொர்கை விரிவாக்கம் செய்யவும், மேம்படுத்தவும் திட்டமிட்டுள்ளது.

3,000 கோடி ரூபாய் தொகையில் இந்நிறுவனத்தின் டெக்னாலஜி சென்டர், ஐடி மற்றும் வாடிக்கையாளர் சேவை மையத்தை மேம்படுத்த உள்ளது. ரூ.1,000 கோடியில் 4ஆம் தர டேட்டா சென்டரை அமைக்க உள்ளது.

மீதமுள்ள 1,000 கோடி ரூபாயில் இந்நிறுவனத்தின் பேமென்ட் வங்கி சேவையான எம்-பைசாவில் முதலீடு செய்யத் திட்டமிட்டுள்ளது.

மோடி சந்திப்பு

லண்டன் சென்றுள்ள பிரதமர் மோடியிடம் வோடபோன் நிறுவனத்தின் சீஇஓ விட்டோரியோ கோலோ இந்தியாவில் செய்ய உள்ள 13,000 கோடி ரூபாய் முதலீடு குறித்தும், தங்களது திட்டங்கள் குறித்தும் விவரித்தார்.

2007 முதல்..

இந்தியாவில் வோடபோன் 2007ஆம் ஆண்டு முதல் இயங்கி வரும் நிலையில், இதுவரை சுமார் 1.11 லட்சம் கோடி ரூபாய் முதலீடு செய்துள்ளது. இதன் மூலம் இந்தியாவில் அதிகளவில் அன்னிய முதலீடு செய்த டாப் 10 நிறுவனங்களின் வோடபோன் இடம்பிடித்துள்ளது.

வோடபோன்

இந்நிறுவனம் பிரட்டன், இந்தியா மட்டும் அல்லாமல் உலகின் பல நாடுகளில் இயங்கி வருகிறது. ஆயினும் இந்திய சந்தையை மிகவும் முக்கியமானதாக வோடபோன் கூறுகிறது.

வேலைவாய்ப்புகள்

1.3 பில்லியன் டாலர் முதலீட்டில் இந்தியாவில் செய்யப்படும் விரிவாக்கப் பணிகளின் மூலம் சுமார் 15,000 வேலைவாய்ப்புகளை உருவாக்க முடியும் என வோடபோன் தெரிவித்துள்ளது.

ஏர்டெல்

இந்திய சந்தையைப் பொருத்த வரை ஏர்டெல் நிறுவனத்தின் வாடிக்கையாளர் எண்ணிக்கை மிகவும் அதிகம் இதனால் இந்நிறுவனத்தின் வருவாய் தொடர்ந்து அதிகரித்து வருகிறது. ஆயினும் வோடபோன், டாடா டோக்கோமோ போன்ற நிறுவனங்கள் கடுமையான போட்டி அளித்து வருகிறது.

அடுத்த 5 வருடத்தில் இந்திய டெலிகாம் துறையில் மிகப்பெரிய போட்டி உருவாக உள்ளது.