விற்பனையில் வீர்..

2014-15ஆம் நிதியாண்டில் மைக்ரோமேக்ஸ் நிறுவனத்தின் ஹோல்டிங் நிறுவனமான மைக்ரோமேக்ஸ் இன்பராமேடிக்ஸ் விற்பனையில் சுமார் 47 சதவீத உயர்வைச் சந்தித்துள்ளது.

இதனால் இந்நிறுவனத்தின் வருவாய் அளவுகள் 10,450 கோடி ரூபாயாக உயர்ந்துள்ளது என இந்நிறுவனம் தெரிவித்துள்ளது.

சோனியின் நிலை என்ன..?

இதேகாலக்கட்டத்தில் சோனி நிறுவனத்தின் இந்திய கிளையின் விற்பனை 10 சதவீதம் மட்டும் உயர்ந்து 11,010 கோடி ரூபாய் வருமானத்தைப் பெற்றுள்ளது.

இவ்விரு நிறுவனங்களுக்கும் மிகப்பெரிய வித்தியாசம் இல்லை. 2015ஆம் நிதியாண்டில் சோனி நிறுவனத்தின் நிலையை மிக எளிமையாக மைக்ரோமேக்ஸ் எட்டிவிடும்.

2 வருடத்திற்கு முன் சோனியின் பாதி நிலை கூட மைக்ரோமேக்ஸ் எட்டவில்லை என்பது குறிப்பிடத்தக்கது.

விற்பனை மற்றும் மறுசீரமைப்பு..

மைக்ரோமேக்ஸ் நிறுவனத்தின் சமீபத்திய 4ஜி ஸ்மார்ட்போன்களின் அறிமுகம் மற்றும் அதன் வெற்றி 2015ஆம் ஆண்டில் கண்டிப்பாகச் சோனியை எட்டிவிடும்.

இந்நிலையில் சோனி நிறுவனம் நடப்பு நிதியாண்டில் தனது மொபைல் விற்பனையை அதிகரிக்க மறுசீரபமைப்பு நடவடிக்கையை மேற்கொண்டுள்ளது. இதனால் 10,000 கோடி வருவாய் என்னும் நிலையில் இருந்து சோனி வெளியேற அதிகளவில் வாய்ப்புள்ளதாக மொபைல் விற்பனை சந்தை வல்லுநர்கள் தெரிவித்துள்ளனர்.

டிவி..

இந்தியாவில் சோனி நிறுவனத்தின் மொபைல் விற்பனை மந்தமாக இருந்தாலும், டிவியின் விற்பனை மிகவும் அதிகம். இதனால் மைக்ரோமேக்ஸ் நிறுவனத்தின் டிவி விற்பனை அளவுகளை ஒப்பிட்டால் மிகப்பெரிய வித்தியாசம் நிலவும். இப்பிரிவில் மைக்ரோமேக்ஸ் நிறுவனத்திற்குச் சோனி மிகப்பெரிய போட்டியாகவே விளங்குகிறது.

மைக்ரோமேக்ஸ் நிறுவனத்தில் பிரச்சனை

இத்தகைய லாபகரமான சூழ்நிலையில் மைக்ரோமேக்ஸ் நிர்வாகக் குழுவில் மிகப்பெரிய பிரச்சனை உருவாகியுள்ளது. இதனால் இந்நிறுவனத்தின் அடிப்படை நிர்வாகப் பணிகளை மேற்கொள்ளவே மைக்ரோமேக்ஸ் திணறி வருகிறது.