ஒரு வருடப் போராட்டம்..

கடந்த ஒரு வருடமாக டிசிஎஸ் நிறுவனம், டெல் நிறுவன வர்த்தகத்தைக் கைப்பற்ற பல முயற்சிகள் செய்தது. ஆனால் டெல் நிறுவனம் எவ்விதமான பதில்களும் அளிக்கவில்லை.

இந்நிலையில் திங்கட்கிழமை டிசிஎஸ் நிறுவனம் மீண்டும் டெல் நிறுவனத்தை அணுகியபோது. பெராட் சிஸ்டம்ஸ் நிறுவனத்திற்கான தொகையை டெல் அறிவித்தது.

இதனால் ஐடி சந்தையில் இந்நிறுவனத்தைக் கைப்பற்ற புதிய போட்டி உருவாகியுள்ளது.

5 பில்லியன் டாலர்

பெராட் நிறுவனத்தை விற்பனை செய்ய 5 பில்லியன் டாலருக்கும் அதிகமான தொகையை டெல் நிறுவனம் எதிர்பார்ப்பதாக அறிவித்துள்ளது. இதனால் எந்த நிறுவனம் அதிகமான தொகையை அளிக்கிறதோ, அவர்களுக்கு (ஏல முறையில்)பெராட் நிறுவனம் என்ற மனநிலையில் டெல் கூறியுள்ளது.

போட்டி

பெராட் நிறுவனத்தைக் கைப்பற்ற டிசஎஸ், காக்னிசென்ட் டெக்னாலஜிஸ், என்டிடி டேட்டா கார்ப் மற்றும் அட்டாஸ் எஸ்ஈ ஆகிய நிறுவனங்கள் தற்போதைய போட்டியில் உள்ளது.

பெராட் நிறுவனம்

மருத்துவமனை மற்றும் அரசுத் துறைகளுக்கு ஐடி சேவை வழங்கும் இந்த நிறுவனத்தை 1988ஆம் ஆண்டு அமெரிக்க அதிபர் வேட்பாளரான ராஸ் பெராட் துவக்கி வைத்தார். இதன் பின் 2009ஆம் ஆண்டு இந்நிறுவனத்தை 3.9 பில்லியன் டாலர் தொகைக்கு டெல் நிறுவனம் கைப்பற்றியது.

டெல்

பெராட் நிறுவனத்தைக் கைப்பற்றியதன் மூலம் டெல் நிறுவனத்தின் வன்பொருள் வர்த்தகம் மென்பொருள் துறையிலும் விரிவாக்கம் அடையத் துவங்கியது. இந்நிறுவனத்தின் வாயிலாகத் தான் டெல் கிளவுட் கம்பியூடிங், வர்த்தக மென்பொருள் மற்றும் டேட்டா மேனேஜ்மென்ட் துறையில் சிறந்து விளங்கத் துவங்கியது.

கூவஸ்ட் சாப்ட்வேர்

மேலும் டெல் நிறுவனம் தனது கட்டுப்பாட்டில் உள்ள கூவஸ்ட் சாப்ட்வேர் நிறுவனத்தையும் விற்க ஒரு தனியார் பங்குச்சந்தை நிறுவனத்திடம் பேச்சுவார்த்தை நடத்தி வருகிறது.

ஈஎம்சி

டெல் நிறுவனத்தின் ஈஎம்சி நிறுவன கையகப்படுத்தும் பணி வருகிற அக்டோபர் மாதத்திற்குள் முடியும் என எதிர்பார்க்கப்படுகிறது. இந்நிறுவன கைப்பற்றுதலில் டெல் நிறுவனத்தின் கடன் அளவு 49.5 பில்லியன் டாலராக உயர்ந்துள்ளது.

இதனைக் குறைக்கவே டெல் நிறுவனம் தனது பெராட் சிஸ்டம்ஸ் மற்றும் இதர மென்பொருள் சேவைகளை விற்பனை செய்து வருகிறது.