சென்னை: கார்ப்பரேட் விவகார அமைச்சகம் வெளியிட்டுள்ள அறிக்கையின் படி ஏப்ரல் 1, 2014 முதல் கார்ப்பரேட் நிறுவனங்கள் தங்களது லெட்டர்ஹெட்டில் சிஐஎன் எண்ணைக் குறிப்பிட வேண்டும் எனத் தெரிவித்துள்ளது.

நிறுவன சட்டம் 2013இல் 183 புதிய பிரிவின் கீழ் கார்ப்பரேட் விவகார அமைச்சகம் வெளியிட்டுள்ள உத்தரவுகளின் படி ஏப்ரல் 1 2014ஆம் ஆண்டு முதல் கார்ப்பரேட் நிறுவனங்கள் வெளியிடும் லெட்டர்ஹெட், பில்கள், அறிக்கைகள் மற்றும் அனைத்து அதிகாரப்பூர்வ அறிவிப்புகளிலும் சிஐஎன் (Corporate Identification Number) எண்ணைக் குறிப்பிடப்பட வேண்டும் எனத் தெரிவித்துள்ளது.

இதன் உடன் பதிவு செய்யப்பட்ட அலுவலகத்தின் முகவரி, தொடர்புகொள்ள மின்னஞ்சல், ஈமெயில், இணைய முகவரி ஆகியவற்றையும் குறிப்பிட வேண்டும்.

மேலே குறிப்பிட்ட அனைத்து மாற்றங்களையும் ஏப்ரல் 1 2014ஆம் ஆண்டுக்குள் செய்திருக்க வேண்டும் எனவும் கார்ப்பரேட் விவகார அமைச்சகம் உத்தரவிட்டுள்ளது.

எனவே அமைச்சகத்தின் அறிவிப்புகளை ஏற்று நடக்காத நிறுவனங்கள் மீது ஒரு நாளுக்கு 1,000 ரூபாய் விதிக்கப்படும் எனவும், உச்சக்கட்டமாக 1 லட்சம் ரூபாய் வரை அபராதம் விதிக்கப்படும் எனவும் அமைச்சகம் தெரிவித்துள்ளது.