லாபமும்.. வருவாயும்..

2015ஆம் ஆண்டின் அக்டோபர்-டிசம்பர் வரையிலான காலகட்டத்தில் இன்போசிஸ் நிறுவனத்தின் லாப அளவுகள் 2 சதவீதம் அதிகரித்து 3,465 கோடியாகவும், வருவாய் 1.7 சதவீதம் உயர்ந்து 15,902 கோடி ரூபாயாகவும் உள்ளது.

2,407 மில்லியன் டாலர்

அதேபோல் டாலர் வருவாய் அளவுகளைப் பார்க்கும் போது வெறும் 0.6 சதவீதம் மட்டுமே உயர்ந்து 2,407 மில்லியன் டாலரைப் பெற்றுள்ளது. கடந்த காலாண்டில் இதன் அளவுகள் 2,392 மில்லியன் டாலராக இருந்தது.

டாலர் வருவாய்

இந்நிலையில் 2016ஆம் ஆண்டில் இந்நிறுவனத்தின் டாலர் வருவாய் அளவுகளின் கணிப்புகள் 10-12 சதவீதமாக நிர்ணயம் செய்யப்பட்டுள்ளது.

ஊழியர்கள் வெளியேற்றம்

லாபம், வருவாய், வர்த்தகத்தில் தொடர்ந்து உயர்வைக் காட்டினாலும், ஊழியர்கள் நிறுவனத்தை விட்டு வெறும் அளவுகள் மட்டுமே குறையவில்லை. 2015ஆம் ஆண்டின் 2வது காலாண்டை ஒப்பிடுகையில் 3வது காலாண்டில் அதன் அளவுகள் சிறப்பாக இருந்தாலும், சந்தையில் பிற நிறுவனங்களை ஒப்பிடும் போதும் இதன் அளவு கொஞ்சம் அதிகம் தான்.

18.1 அட்ரிஷன்

3வது காலாண்டில் இந்நிறுவனத்தின் ஊழியர்கள் வெளியேற்றத்தின் அளவுகள் 18.1 சதவீதமாக உள்ளது.

கணிப்புகள்

சிஎன்பிசி-டிவி18 கணிப்பின் படி இன்போசிஸ் இக்காலாண்டு லாப அளவுகள் 2.9 சதவீதம் குறைவாக இருக்கும் எனக் கணிக்கப்பட்டு இருந்தது. இந்நிலையில் கணிப்புகளையும் தாண்டி இன்போசிஸ் தற்போது 2 சதவீத லாபத்தைப் பதிவு செய்துள்ளது.

பங்குச்சந்தை

இன்போசிஸ் நிறுவனத்தின் காலாண்டு முடிவுகள் வெளியான சில நொடிகளில் இந்நிறுவனத்தின் பங்குகள் 4.80 சதவீதம் வரை உயர்ந்துள்ளது.