6 சதவீத உயர்வு

டிசம்பர் 2015ஆம் மாதம் முடிவில் நுகர்வோர் விலை குறியீடு- தொழிற்துறை ஊழியர்கள் அளவீடு 6.73 சதவீதமாக இருந்தது. இதனையடுத்து மத்திய அரசு பல கட்ட ஆலோசனைக்குப் பின் 119% என்ற அளவில் இருந்து 6 சதவீத உயர்த்தி 125 சதவீதமாக நிர்ணயம் செய்யப்பட்டுள்ளது என் மத்திய அரசு ஊழியர்கள் அமைப்பின் தலைவர் கே.கே.என். குட்டி தெரிவித்துள்ளார்.

1 கோடி அரசு ஊழியர்கள்

இந்த உயர்வு 48 லட்சம் அரசு ஊழியர்கள் மற்றும் 55 லட்சம் ஒய்வூதியதார்களுக்குப் பயனளிக்கும்.

ஜனவரி 1 முதல்...

மேலும் இப்புதிய உயர்வு ஜனவரி 1,2016ஆம் தேதி முதல் அமலாக்கம் செய்யப்படுவதாக மத்திய அரசு தெரிவித்துள்ளது.

நிதியமைச்சகம்

மத்திய அரசு ஊழியர்களுக்கான அகவிலைப்படியை வருடத்திற்கு 2 முறை சில்லறை பணவீக்கத்தை மையமாகக் கொண்டு நிதியமைச்சகம் மாற்றியமைக்கும். இதற்கு முன் கடந்த வருடம் ஜூலை மாதம் 113 சதவீதத்தில் இருந்து 6 சதவீதம் உயர்த்தப்பட்டு 119 சதவீதமாக அறிவிக்கப்பட்டது குறிப்பிடத்தக்கது.