டெல்லி: 2015-16ஆம் நிதியாண்டில் 5 ஆண்டுகளில் இல்லாத அளவிற்குக் கார் விற்பனை 7.87 சதவீதம் அளவிலான உயர்வைச் சந்தித்துள்ளது. சந்தையில் கார் விற்பனைக்கான வரி சில சதவீதம் உயர்ந்திருந்தாலும், நிறுவனங்களின் புதிய கார் மாடல்கள் அறிமுகம் மற்றும் பல விதமான சலுகைகள் மூலம் விற்பனை அதிகரித்துள்ளது.
கடந்த 5 வருடங்களில் இல்லாத அளவு கடந்த நிதி ஆண்டில் கார் விற்பனை 7.87 சதவீதம் உயர்ந்துள்ளது.
இந்திய ஆட்டோமொபைல் உற்பத்தியாளர்கள் சங்கத்தின் தகவல்ப்படி 2015-16 நிதியாண்டில் கார் விற்பனை 7.87 சதவீதம் உயர்ந்து 20,25,479 கார்கள் விற்பனையானது. 2014-15ஆம் நிதியாண்டில் இதன் விற்பனை அளவு 18,77,706 கார்களாக உள்ளது. இதற்கு முன்பாகக் கடந்த 2010-11-ம் நிதி ஆண்டில் கார் விற்பனை 29.08 சதவீதம் உயர்ந்தது குறிப்பிடத்தக்கது.
இந்தக் காலத்தில் இரு சக்கர வாகன விற்பனை 3.01 சதவீதம் உயர்ந்திருக்கிறது. மோட்டார் சைக்கிள் விற்பனை 0.24 சதவீதம் சரிந்துள்ளது. வர்த்தக வாகனங்கள் விற்பனை 11.51 சதவீதம் உயர்ந்திருக்கிறது.
அதே சமயத்தில் மார்ச் மாத மோட்டார் சைக்கிள் விற்பனை 10.15 சதவீதம் உயர்ந்தது. இரு சக்கர வாகன விற்பனை 10.92 சதவீதம் உயர்ந்தது.