6,341 கோடி ரூபாய் லாபம்

தொடர்ந்து 6 காலாண்டுகளாக மந்தமான லாப நிலையை டிசிஎஸ் நிறுவனம் 2015-16ஆம் நிதியாண்டின் 4வது காலாண்டில் சுமார் 64.4 சதவீத லாப உயர்வைச் சந்தித்துள்ளது.

கடந்த வருடம் இதே காலாண்டில் 3,858 கோடி ரூபாயாக இருந்த லாப அளவு தற்போது 6,341 கோடி ரூபாயாக உயர்ந்துள்ளது.

டிஜிட்டல் வர்த்தகம்

இந்நிறுவனத்தின் ஹெல்த்கேர் வர்த்தகம் அமெரிக்காவில் தொடக்கப்பட்ட திருட்டு வழக்கால் சரிவை காணும் சூழ்நிலை இருந்தாலும், 4வது காலாண்டில் டிஜிட்டல் வர்த்தகம் மற்றும் பிற துறைகளில் நிலையான வர்த்தகம் ஆகியவை டிசிஎஸ் நிறுவனத்தின் லாப அளவை அதிகரித்துள்ளது.

மொத்த வருவாய்

கடந்த வருடம் டிசிஎஸ் நிறுவனத்தின் மொத்த வர்த்தகம் 24,219 கோடியாக இருந்த நிலையில், தற்போது இதன் அளவு 17.5 சதவீதம் உயர்ந்து 28,449 கோடி ரூபாயை எட்டியுள்ளது.

டிஜிட்டல் வர்த்தக வருவாய்

இந்நிலையில் கடந்த ஒரு வருடத்தில் டிசிஎஸ் நிர்வாகம் தனது டிஜிட்டல் வர்த்தகப் பிரிவில் மிகப்பெரிய அளவில் முதலீடு செய்தது. இதனால் இப்பிரிவின் வருவாய் அளவு மட்டும் 2.3 பில்லியன் டாலர் வரை உயர்ந்துள்ளது.

பிரிவும்.. வளர்ச்சியும்..

இந்நிலையில் 2015-16ஆம் நிதியாண்டில் டிசிஎஸ் நிறுவனத்தின் BFSI பிரிவு 3.2 சதவீத உயர்வு, உற்பத்துத் துறை 3.9 சதவீத உயர்வு, ரீடைல் வர்த்தகம் 2.1 சதவீத உயர்வை அடைந்துள்ளது.

இன்போசிஸ்

2016ஆம் நிதியாண்டின் மார்ச் மாத காலாண்டில் இன்போசிஸ் நிறுவனம் வெறும் 3,597 கோடி ரூபாய் லாபத்தை அடைந்த நிலையில் டிசிஎஸ் நிறுவனம் 6,341 கோடி ரூபாய் என்ற மிகப்பெரிய அளவை அடைந்துள்ளது.

பணியாளர்கள் எண்ணிக்கை

ஜனவரி - மார்ச் மாத காலகட்டத்தில் டிசிஎஸ் நிறுவனத்தில் 22,576 புதிய ஊழியர்கள் இணைந்தது மூலம் மொத்த ஊழியர்கள் எண்ணிக்கை 3,54,000 ஆக உயர்ந்துள்ளது.

கடந்த ஒரு வருடத்தில் இந்நிறுவனத்தில் 90,182 ஊழியர்கள் இணைந்துள்ளனர்.