எச்சிஎல்

2016ஆம் ஆண்டின் மார்ச் 31ஆம் தேதி முடிவடைந்த காலாண்டின் எச்சிஎல் நிறுவனத்தின் லாப அளவு கடந்த வருடத்தின் இதே காலகட்டத்தை ஒப்பிடும் போது சுமார் 14 சதவீத உயர்வை அடைந்துள்ளது.

லாபம்

மொத்த லாபத்தில் 14 சதவீத உயர்வை அடைந்த எச்சிஎல் 3 மாத காலகட்டத்தில் சுமார் 1,683 கோடி ரூபாய் லாபத்தைப் பெற்று முதலீட்டாளர்கள் மகிழ்வித்துள்ளது.

வருவாய்

இந்நிலையில் இந்நிறுவனத்தின் மொத்த வருவாய் அளவு 15 சதவீதம் அளவில் உயர்ந்து 10,698 கோடி ரூபாயாக உயர்ந்துள்ளது. கடந்த வருடம் இதே காலகட்டத்தில் 9,267 கோடி ரூபாயாக இருந்தது குறிப்பிடத்தக்கது.

100 மில்லியன் டாலர்

இக்காலகட்டத்தில் எச்சிஎல் நிறுவனம் 100 மில்லியன் டாலருக்கும் அதிகமான மதிப்பில் சுமார் 8 ஆர்டர்களைக் கைப்பற்றியுள்ளது.

ஊழியர்கள் எண்ணிக்கை

மார்ச்ச மாத முடிவில் இந்நிறுவனத்தில் ஊழியர்கள் எண்ணிக்கை 1,04,896. கடந்த வருத்தை விடவும் சுமார் 700 பேர் அதிகமாக இந்நிறுவனத்தில் இணைந்துள்ளனர்.

விப்ரோ

அசிம் பிரேம்ஜி தலைமை வகிக்கும் விப்ரோ நிறுவனம் கடந்த வருடத்தை விடவும் 1.6 சதவீதம் குறைவான லாபத்தைப் பெற்று முதலீட்டாளர்களை ஏமாற்றியுள்ளது.

மோசமான லார நிலைகள்..

மார்ச் மாதத்துடன் முடிந்த காலாண்டில் விப்ரோ நிறுவனம் வெறும் 2,235 கோடி ரூபாய் லாபத்தை மட்டுமே பெற்றுள்ளது.

டிசிஎஸ்

தொடர்ந்து 6 காலாண்டுகளாக மந்தமான லாப நிலையை டிசிஎஸ் நிறுவனம் 2015-16ஆம் நிதியாண்டின் 4வது காலாண்டில் சுமார் 64.4 சதவீத லாப உயர்வைச் சந்தித்துள்ளது.

கடந்த வருடம் இதே காலாண்டில் 3,858 கோடி ரூபாயாக இருந்த லாப அளவு தற்போது 6,341 கோடி ரூபாயாக உயர்ந்துள்ளது.

டிஜிட்டல் வர்த்தகம்

இந்நிறுவனத்தின் ஹெல்த்கேர் வர்த்தகம் அமெரிக்காவில் தொடக்கப்பட்ட திருட்டு வழக்கால் சரிவை காணும் சூழ்நிலை இருந்தாலும், 4வது காலாண்டில் டிஜிட்டல் வர்த்தகம் மற்றும் பிற துறைகளில் நிலையான வர்த்தகம் ஆகியவை டிசிஎஸ் நிறுவனத்தின் லாப அளவை அதிகரித்துள்ளது.

லாபத்தில் இன்போசிஸ்..

டிசம்பர் மாதம் முடிவடைந்த காலாண்டில் இன்போசிஸ் வெறும் 3,097 கோடி ரூபாய் மட்டுமே லாபமாகப் பெற்றுள்ள நிலையில், ஜனவரி, பிப்ரவரி மற்றும் மார்ச் மாத காலங்களில் இதன் அளவு 3.81 சதவீதம் உயர்ந்து 3,465 கோடி ரூபாய் என்ற மிகப்பெரிய லாப அளவை எட்டியுள்ளது.

மொத்த லாப அளவுகளைப் பார்க்கும் போதும் கடந்த காலாண்டை விட 6.59 சதவீதம் உயர்ந்து 4,220 கோடி ரூபாயாக உள்ளது. இது கடந்த வருடத்தை விடவும் 22.35 சதவீதம் அதிகமாகும்.

வருவாய் அளவுகள்

இதேபோல் இந்நிறுவனத்தின் வருவாய் அளவுகளும் யாரும் எதிர்பார்க்காத வகையில் சந்தை கணிப்புகளையும் தாண்டி 4.07 சதவீதம் அளவில் உயர்ந்து 16,550 கோடி ரூபாயாக உயர்ந்தது.