4ஜி சேவையைத் துவங்கியது ரிலையன்ஸ் ஜியோ.. ஆனா ஒரு கண்டிஷன்..!

A Oneindia Venture

Get Updates

Get notified about market trends, financial advice, and investment tips!

Sensex 78,205.98 +0.82% ↑ Nifty 24,288.15 +1.08% ↑ 22k Gold ₹ 14,885/gm Silver ₹ 2,90,000/kg Petrol ₹ 103.54 Diesel ₹ 90.03 Crude Oil $ 92.18 USD ₹ 91.96

4ஜி சேவையைத் துவங்கியது ரிலையன்ஸ் ஜியோ.. ஆனா ஒரு கண்டிஷன்..!

By Prasanna

Updated: Wednesday, May 11, 2016, 15:13 [IST]

மும்பை: நாட்டின் முன்னணி தொலைத்தொடர்பு சேவை நிறுவன பட்டியலில் அறிமுகத் தினத்திலேயே நுழைய வேண்டும் எனத் திட்டமிட்டுச் செயல்படுகிறது ரிலையன்ஸ் ஜியோ. தனது வலையமைப்பை சோதிப்பதற்காகச் சோதனை அடிப்படையில் 4ஜி தொலைத்தொடர்பு சேவையை, இந்நிறுவனம், தனது ஊழியர்கள், டீலர்களைத் தாண்டி தற்போது பொதுமக்களும் துவங்கியுள்ளது.

ஆனால் இச்சேவை அழைப்பின்பெயரில் மட்டுமே பொதுமக்களுக்குக் கொடுக்கப்படும் எனவும் தெரிவித்துள்ளது.

ஊழியரின் அழைப்பு

தற்போது சோதனை அடிப்படையில் பொதுமக்களுக்காகத் துவங்கப்பட்ட தொலைத்தொடர்பு சேவைப் பெற வரும்பும் வாடிக்கையாளர் ரிலையன்ஸ் இண்டஸ்ட்ரீஸ் குழும நிறுவனங்களில் பணிபுரியும் பணியாளர்களிடமிருந்து அழைப்பு பெற வேண்டும் அப்போது தான் வாடிக்கையாளர் ரிலையன்ஸ் ஜியோ-வின் புதிய 4ஜி சேவையைப் பயன்படுத்த முடியும் எனப் பிடிஐ செய்தியாளர்களுக்கு ரிலையன்ஸ் ஜியோ தெரிவித்துள்ளது.

LYF ஸ்மாரட்போன்

இந்தச் சேவையைப் பெறுவதற்கான மற்றொரு வழி, வாடிக்கையாளர்கள் ரிலையன்ஸ் டிஜிட்டல் கிளைகளில் விற்பனை செய்யப்படும் LYF ஸ்மாரட்போன் வாங்குவதன் மூலம் ரிலையன்ஸ் ஜியோ-வின் புதிய 4ஜி சேவையைப் பயன்படுத்த முடியும்.

விலை

இந்த ஸ்மார்ட்போன்கள் 5,599 ரூபாயில் இருந்து 19,499 ரூபாய் வரையிலான விலையில் பல்வேறு தர வரிசையில் விற்பனை செய்யப்படுகிறது.

ரிலையன்ஸ் ஜியோ

"நாங்கள் எங்களுடைய வணிகரீதியான தொடக்கத்தை நெருங்குவதால் எங்கள் அன்பானவர்களுக்கு (ஆம் உங்களுக்கு), எங்களுடைய வலைமைப்பை பரிசோதித்துப் பார்ப்பதற்கு ஒரு வாய்ப்பை நாங்கல் வழங்குகிறோம்," என்றும் ரிலையன்ஸ் ஜியோ பணியாளரிடம் இருந்து வந்த ஒரு அழைப்பு கூறியது.

10 வாடிக்கையாளர் மட்டும்

இத்திட்டத்தின் கீழ் ரிலையன்ஸ் குழும நிறுவனத்தைச் சேர்ந்த பணியாளர்கள் ஜியோவின் 4ஜி சிம் மற்றும் LFY ஸ்மார்ட்போன் வாங்குவதற்கு 10 பேருக்கு அழைப்பு விடுக்கலாம்.

200 ரூபாய் கட்டணம்

இப்புதிய இணைப்பில் 90 நாட்களுக்கு வரம்பற்ற 4ஜி மொபைல் இண்டர்நெட் மற்றும் போன்கால் சேவைகள் கிடைக்கும். இதனைப் பெற ரிலையன்ஸ் குழும் நிறுவன ஊழியர்கள் அழைப்பு மட்டும் அல்லாமல் 200 ரூபாய் கட்டணத்தைச் செலுத்த வேண்டும்.

கூடுதல் சேவைகள்

இத்திட்டத்தின் கூடுதலாக ஜியோ ப்ளே, ஐியோ ஆன்-டிமான்ட், ஜியோ மாக், ஜியோ பிட்ஸ், ஜியோ டிரைவ் ஆகிய ரிலையன்ஸ் ஜியோவின் செயலிகளைப் பயன்படுத்தலாம் எனவும் இந்நிறுவனம் கூறியுள்ளது.

18 ஜிபி டேட்டா.. 250 நிமிட கால்..

தற்போது இந்நிறுவனத்தின் சோதனை வலைமைப்பில் சுமார் 5 லட்ச பயனாளர்கள் உள்ளனர். முதல் மாதத்தில் மட்டும் சராசரியாக ஒரு வாடிக்கையாளர் 18 ஜிபி மொபைல் டேட்டா மற்றும் 250 நிமிடத்திற்கு மேலான வாய்ஸ் கால் பயன்படுத்தி வருவதாக ஜியோ தெரிவித்துள்ளது.

முழுமையான சேவை

அடுத்தடுத்த சோதனை திட்டங்களின் வெற்றியின் மூலம் ரிலையன்ஸ் ஜியோ கூடிய விரைவில் தனது அதிகாரப்பூர்வ மொபைல் சேவையை அறிமுகம் செய்யும் என எதிர்பார்க்கப்படுகிறது.

ரிசர்வ் வங்கியின் சாட்டை அடி

விஜய்ய்ய் மல்லையா...!