டெல்லி: மூடி'ஸ் முதலீட்டுச் சேவை நிறுவனம் 2016-17ஆம் நிதியாண்டில் இந்தியாவில் பொருளாதார வளர்ச்சி 7.5 சதவீதமாக இருக்கும் என அறிவித்துள்ளது.

இக்காலகட்டத்தில் நாட்டின் நுகர்வோர் சந்தையின் வளர்ச்சி, தனியார் முதலீடுகள் அதிகரிப்பு, தொடர் வர்த்தக வளர்ச்சி ஆகியவை சீராக இருந்தால் மட்டும் 7.5% என்ற வளர்ச்சியை அடைய முடியும் எனத் தெரிவித்துள்ளது மூடிஸ்.

2015-16ஆம் நிதியாண்டில் இந்திய பொருளாதாரம் 7.3 சதவீதம் அளவில் இருந்த நிலையில், நடப்பு நிதியாண்டில் நாட்டின் பொருளாதார வளர்ச்சி அளவை 8 சதவீதம் வரை உயர்த்தப்படும் என மத்திய அரசு உறுதி அளித்துள்ள இந்நிலையில் மூடிஸ் அமைப்பின் 7.5 சதவீத வளர்ச்சி அறிவிப்புகள் பங்குச்சந்தை வர்த்தகத்தைப் பாதித்துள்ளது.

இதுமட்டும் அல்லாமல் இவ்வமைப்பின் அறிவிப்புகள் இந்திய சந்தையில் கிடைக்கப்பெறும் அன்னிய முதலீட்டு அளவு பாதிக்கும் என எதிர்பார்க்கப்படுகிறது.