தமிழகச் சட்டசபை தேர்தலுக்கான எக்சிட் போல்களின் முடிவுகளில், திமுகக் கட்சி தமிழகத்தில் பெருவாரியாக இடத்தைப் பிடிக்கும் எனக் கணிக்கப்பட்டது. இதன் எதிரொலியாகச் சென்னையைத் தலைமையிடமாகக் கொண்டு செயல்படும் சன் டிவி நிறுவனத்தின் பங்குகள் செவ்வாய்க்கிழமை வர்த்தகத்தில் திடீரென 10 சதவீதம் அளவிலான உயர்வைச் சந்தித்தது.
ஆனால் இன்று கதை முழுமையாக மாறிப்போனது.
வாக்கு எண்ணிக்கை
தமிழ்நாடு முழுவதும் இன்று வாக்கு எண்ணிக்கை பரபரப்பாக நடைபெற்று வருகிறது. தற்போதைய நிலவரத்தின் படி அதிமுக 140 இடங்களிலும், திமுக 75 இடங்களிலும் முன்னிலையில் உள்ளது.
எக்சிட் போல் கணிப்புகள்
இந்நிலையில் எக்சிட் போல்களின் கணிப்புகள் சந்தையில் பொய்த்ததால் மும்பை பங்குச்சந்தையில் சன் நெட்வொர்க் நிறுவனத்தின் பங்குகள் மதிப்பு 11.45 சதவீதம் சரிந்து 47.70 ரூபாய் குறைந்து 10.49 மணியளவில் 379.75 ரூபாய்க்கு வர்த்தகம் செய்யப்படுகிறது.
கலாநிதி மாறன்
தென் இந்தியா தொலைக்காட்சி வர்த்தகத்தில் மிகப்பெரிய சந்தை மற்றும் வர்த்தகத்தைப் பெற்றுள்ள சன் நெட்வொர் நிறுவனத்தின் தலைவர் கலாநிதி மாறன், இவர் திமுகக் கட்சித் தலைவர் கருணாநிதியின் பேரன் ஆவார்.
ராஜ் டெலிவிஷன்
அதேபோல் தென் இந்தியாவில் ஆதிக்கம் செலுத்தும் மற்றொகு தொலைக்காட்சி நிறுவனமான ராஜ் டெலிவிஷன் இன்றைய மும்பை பங்குச்சந்தை வர்த்தகத்தில் 17.75 சதவீத உயர்வை சந்தித்துள்ளது.
தாய் நிறுவனம்
வாக்கு எண்ணிக்கையின் முழுமையான மற்றும் நேரலை முடிவுகளைத் தெரிந்துகொள்ளத் தமிழ் குட்ரிட்டன்ஸ் தளத்தில் தாய் நிறுவனமான தமிழ் ஒன்இந்தியா தளத்தைப் பார்க்கவும்.