6.50 சதவீத ரெப்போ விகிதத்தில் மாற்றமில்லை.. ரிசர்வ் வங்கி அறிவிப்பு..!

ரெப்போ மற்றும் சிஆர்ஆர் விகிதம்

செவ்வாய்க்கிழமை (இன்று) நடந்து முடிந்துள்ள ரிசர்வ் வங்கியின் நாணய மறுஆய்வு கொள்கை கூட்டத்தில் ஆர்பிஐ கவர்னர் ரகுராம் ராஜன் ரெப்போ விகிதம் 6.50%, CRR 4% விகிதத்தில் மாற்றம் ஏதுமில்லாமல் அறிவித்துள்ளது.

பணவீக்கம்

மேலும் ராஜன் கூறுகையில் இன்றளவும் நாட்டின் பொருளாதார வளர்ச்சிக்கும் பணவீக்கம் மிகப்பெரிய அச்சுறுத்தலாக உள்ளது. இதன் காரணமாகவே பணவீக்கம் மற்றும் உணவுப் பொருட்களின் அதிக விலைமதிப்பு ஆகியவற்றைக் கருத்தில் கொண்டு வட்டி விகிதத்தைக் குறைக்கவில்லை.

சேவைத்துறை

இதனுடன் சேர்த்துச் சேவைத்துறை மந்தமான டெலிவரிகள் நாட்டின் வளர்ச்சியை அதிகளவில் பாதித்துள்ளது. இதனால் ஏற்றுமதி சேவையில் இந்தியா தொடர்ந்து பின்தங்கி வருகிறது குறிப்பிடத்தக்கது.

வளர்ச்சி விகிதம்

நடப்பு நிதியாண்டிலும் நாட்டின் வளர்ச்சி விகித்தை 7.6 சதவீதமாக ரிசர்வ் வங்கி நிர்ணயம் செய்துள்ளது.

முதலீட்டு அளவுகள்

நாட்டின் வளர்ச்சி சிறப்பாக உள்ள இத்தருணத்தில் பொதுத்துறை நிறுவனங்களின் முதலீடு அதிகமாக இருந்தாலும் தனியார் துறை நிறுவனங்களின் முதலீட்டு அளவு மிகவும் குறைவாக உள்ளது. இது நாட்டின் வளர்ச்சி உகந்தது அல்ல என்றும் ரகுராம் ராஜன் கூறினார்.

நியூஸ்லெட்டர்

உங்கள் மின்னஞ்சலைத் தேடி வரும் வர்த்தக உலகம்..!