டெல்லி: வெள்ளிக்கிழமை அன்னிய முதலீட்டு மேம்பாட்டு வாரியம் நடத்திய முக்கிய ஆலோசனை கூட்டத்தில் 710 கோடி ரூபாய் மதிப்பிலான அன்னிய முதலீட்டுத் திட்டத்திற்கு ஒப்புதல் அளித்துள்ளது.

இத்திட்ட ஒப்புதலில் அன்வான்ஸ் என்சைம் டெக்னாலஜிஸ் நிறுவனத்தின் 480 கோடி ரூபாய் முதலீட்டுத் திட்டம் மிகப்பெரியது என்று நிதியமைச்சகம் தெரிவித்துள்ளது.

மேலும் வெள்ளிக்கிழமை அன்னிய முதலீட்டு மேம்பாட்டு வாரியம் ஒப்புதல் அளிக்கப்பட்ட பிற திட்டங்களில் கோரோனா ரெமிடீஸ், மேக்மில்லன் பப்ளீஷர்ஸ் இன்டர்நேஷ்னல் மற்றும் ஆர்டியன் ஹெல்த்கேர் கேர் குளோபல் ஆகியவை அடக்கம்.

அன்னிய முதலீட்டு மேம்பாட்டு வாரியத்தின் தலைவரான பொருளாதார விவகாரத்துறை செயலாளர் சக்திகாந்த தாஸ் தலைமையிலான இக்கூட்டத்தில் 14 முதலீட்டுத் திட்டங்களுக்கு ஒப்புதல் அளிக்கப்பட்டுள்ளது.

இக்கூட்டத்தில் Flag டெலிகாம் சிங்கப்பூர் பிடிஈ லிமிடெட் மற்றும் ஸ்டார் டென் மீடியா சர்விசஸ் பிரைவேட் லிமிடெட் நிறுவன திட்டங்கள் மறுக்கப்பட்டுள்ளது.