கச்சா எண்ணெய் விலை சரிவு..

இன்றைய கச்சா எண்ணெய் வர்த்தகச் சந்தையில் அமெரிக்கப் பென்ச்மார்க் வெஸ்ட் டெக்சாஸ் எண்ணெய் ஆகஸ்ட் மாத டெலிவரி விலையில் 3.11 டாலர் அல்லது 6.21 சதவீதம் விலை சரிந்து 47.00 அமெரிக்க டாலருக்கு வர்த்தகம் செய்யப்பட்டது.

பிரென்ட் கச்சா எண்ணெய்

அதேபோல் பிரென்ட் கச்சா எண்ணெய் விலை 3.14 டாலர் அல்லது 6.17 சதவீதம் குறைந்து 47.77 டாலருக்கு வர்த்தகம் செய்யப்பட்டது.

ஏற்ற இறக்கங்கள்

சர்வதேச சந்தையில் கச்சா எண்ணெய் விலை கடந்த சில வாரங்களாக அதிகளவிலான ஏற்ற இறக்கங்களைச் சந்தித்து வருகிறது. ஆனால் இன்று ஐரோப்பிய-பிரிட்டன் வெளியேற்ப்புக்கான வாக்கெடுப்பு முடிவுகள் கச்சா எண்ணெய் விலையை அதிகளவில் பாதித்ததுள்ளது.

ஸ்காட்லாந்து மற்றும் வடஅயர்லாந்து

இந்நிலையில் ஐரோப்பிய கூட்டணி நாடுகளில் இருந்து பிரிட்டன் வெளியேற முடிவு செய்துள்ள நிலையில், ஸ்காட்லாந்து மற்றும் வடஅயர்லாந்து ஆகிய நாடுகள் தற்போது பிரிட்டனில் தனியாகப் பிரிந்து தனி நாடாக உருவெடுக்கத் திட்டமிட்டுள்ளது.

52 சதவீத மக்கள் ஆதரவு

ஐரோப்பிய கூட்டணி நாடுகளில் இருந்து பிரிட்டன் வெளியேறுவதற்காகச் செய்யப்பட்ட வாக்கெடுப்பில் சுமார் 52 சதவீத மக்கள் பிரிட்டன் நாட்டுக்குச் சாதமாக வாக்களித்துள்ளனர்.

சர்வதேச சந்தை பாதிப்பு

மேலும் அடுத்தச் சில வாரங்களுக்கு ஆசிய சந்தை மட்டும் அல்லாமல் சர்வதேச சந்தை வர்த்தகத்தில் அதிகளவில் மாற்றங்கள் இருக்கும் என எதிர்பார்க்கப்படுகிறது.

பெட்ரோல், டீசல் விலை

கச்சா எண்ணெய் விலை சரிவினால் இந்தியாவில் பெட்ரோல், டீசல் விலை குறைவதற்கு வாய்ப்பு மிகவும் குறைவு தான்.