இரண்டாம் நாளான நேற்று எல்அண்ட்டி இன்ஃபோடெக் ஐபிஓ பங்குகள் 3.58 மடங்காக உயர்ந்தன.
தேசிய பங்குச் சந்தையின் தரவின் படி தொடக்கத்தில் இருந்த 1,22,50,000 பங்குகள் தற்போது 4,38,05,100 பங்குகளாக ஐபிஓவில் உயர்ந்துள்ளது.
5.3 லட்சம் விண்ணப்பங்கள்
எல் அண்ட் டி இன்போடெக் பங்குகளில் முதலீடு செய்ய நிறுவனம் அல்லாத முதலீட்டாளர்கள் 63 சதவீதம் வரை உள்ளனர். இந்த ஐபிஓ-வில் முதலீடு செய்ய இதுவரை 5.3 லட்சம் விண்ணப்பங்கள் பெறப்பட்டுள்ளது குறிப்பிடத்தக்கது.
இந்த நிறுவனப் பங்குகள் முதல் நாள் முதலே நல்ல உயர்வைக் முதலீட்டாளர்களுக்கு அளித்துள்ளன.
ரூ.1,243 கோடியைத் திரட்ட முடிவு
லார்சன் & டூப்ரோ குழுமத்தின் ஒரு துணை நிறுவனமான லார்சன் & டூப்ரோ இன்ஃபோடெக் ஒரு ஐடி துறை நிறுவனமாகும், இதன் ஐபிஓவின் மூலமாக ரூ.1,243 கோடியைத் திரட்ட முடிவுசெய்துள்ளது குறிப்பிடத்தக்கது
ரூ. 705-710 எனத் தொடங்கப்பட்ட இந்த ஆஃப்ர் விலை இன்றுடன் முடிவடைகிறது.
ஆஸ்தான முதலீட்டாளர்களின் முதலீடு
எல்அண்ட்டி இன்ஃபோடெக் தங்களுடைய ஆஸ்தான முதலீட்டாளர்களிடம் இருந்து ஒரு பங்கின் விலை ரூ. 710 என ரூ. 373 கோடியை வெள்ளிக்கிழமை பெற்றுள்ளது.
2015- 2016 ஒப்பீடு
2016 ஆம் நிதி ஆண்டில் இதுவரை ரூ.5,908.1 கோடி வருவாயை இந்நிறுவனம் பெற்றுள்ளது. இது 2015 ஆம் நிதி ஆண்டுடன் ஒப்பிடும் போது 17.5 சதவீதம் அதிகமாகும்.
887 மில்லியன் டாலர்கள் வருவாய்
இந்தியாவின் ஆறாம் மிகப் பெரிய ஐடி நிறுவனமான எல்அண்ட்டி இன்ஃபோடெக், 20,000 பணியாளர்களுடன் 887 மில்லியன் அமெரிக்க டாலர்கள் வருவாயுடன் செயல்பட்டு வருகிறது.