புதிய தொழில்நுட்பம்

நாட்டில் முன்னணி மென்பொருள் நிறுவனங்கள் அனைத்தும் தற்போது அமெரிக்க நிறுவனங்களுக்கு இணையாக வங்கி மற்றும் இதர சேவை பிரிவுகளில் மட்டும் செயல்படக் கூடாது என முடிவு செய்து, கடந்த சில மாதங்களாகப் புதிய தொழில்நுட்பத்தில் இறங்கி வருகிறது.

இன்போசிஸ்

விஷால் சிக்கா தலைமையிலான இன்போசிஸ் தனது புதிய கொள்கையின் படி செயற்கை நுண்ணறிவு, பிக் டேட்டா, குவான்டம் கம்பியூட்டிங், போன்ற பல தொழில்நுட்பத்தில் இறங்கியுள்ளது. இதில் செயற்கை நுண்ணறிவு பரிவின் மீது தனிக் கவனத்தைச் செலுத்தி வருகிறார் இன்போசிஸ் சீஇஓ விஷால் சிக்கா.

செயற்கை நுண்ணறிவு

இந்நிறுவனத்தின் மிகப்பெரிய நம்பிக்கை நட்சத்திரமாக விளங்கும் இந்த MANA பிரிவில் சில மாதங்கள் முன்பே விஷால் சிக்காவின் நேரடி தலையீட்டின் பெயரில் இப்பிரிவின் ஐடி இன்ஃபரா தலைவராகச் சாம்சன் டேவிட் நியமிக்கப்பட்டார்.

காலாண்டு முடிவுகள்

சந்தையில் முதலீட்டாளர்கள், சக போட்டி நிறுவனங்கள் அனைத்தும் இன்போசிஸ் நிறுவனத்தின் காலாண்டு முடிவுகளை எதிர்பார்த்திருக்கும் இந்நேரத்தில் சாம்சன் டேவிடின் ராஜினாமா MANA பிரிவைத் தாண்டி இந்நிறுவனத்தின் காலாண்டு முடிவுகளைப் பாதிக்கும் அளவிற்கு மிகப்பெரிய பாதிப்பாகப் பார்க்கப்படுகிறது.

5 பெரும் தலைகள்

விஷால் சிக்கா நியமனத்திற்குப் பின் இன்போசிஸ் நிறுவனத்தில் இருந்து வெளியேறும் 5வது பெரும் தலை சாம்சன் டேவிட். இதற்கு முன் இந்நிறுவனத்தின் தலைமை நிதியியல் அதிகாரி ராஜிவ் பன்சால், தற்போதைய எல்&டி இன்போடெக் சீஇஓ சஞ்சய் ஜவோநா, இன்போசிஸ் பிபிஓ தலவைர் கெளதம் தாக்கர், யெட்ஜ்வர்வ் நிறுவனத்தின் தலைவர் மைக்கில் ரே ஆகியோர் கடந்த 2 வருடத்தில் இன்போசிஸ் நிறுவனத்தை விட்டு வெளியேறியுள்ளனர்.

இன்போசிஸ்

இன்போசிஸ் நிறுவனம் இதுகுறித்து எவ்விதமான அறிவிப்பு, தகவல் அளிக்க மறுக்கும் நிலையில் ஹெச்.பி நிறுவனம் சாம்சன் டேவிட்-இன் ராஜினாமா குறித்து நமக்குத் தகவல் அளித்துள்ளது.

இன்போசிஸ் - ஹெச்.பி நிறுவனத்திற்கும் என்ன சம்பந்தம்...?

சம்பந்தம்

இன்போசிஸ் - ஹெச்.பி நிறுவனத்திற்கும் இருக்கும் ஒரே சம்பந்தம் வர்த்தகப் போட்டி. ஆனால் இன்போசிஸ் நிறுவனத்தில் இருந்து வெளியேறும் சாம்சன் டேவிட் ஹெச்.பி நிறுவனத்தின் என்டர்பிரைசர்ஸ் சர்விசஸ் டெலிவரி வர்த்தகத்தின் தலைவராக நியமிக்கப்பட்டுள்ளது ஹெச்.பி நிர்வாகம். இதன் மூலம் இன்போசிஸ் நிறுவனத்தில் இருந்து சாம்சன் டேவிட்-இன் ராஜினாமா உறுதியாகியுள்ளது.

சாம்சன் டேவிட்

இவர் இன்போசிஸ் நிறுவனத்தின் MANA பிரிவு மட்டும் அல்லாலமல், கிளவுட், இன்ஃபாரஸ்டக்சர் மற்றும் பாதுகாப்புப் பிரிவுகளுக்குத் தலைவராக நியமிக்கப்பட்டுள்ளார். இப்பிரிவுகளின் ஆண்டு வருமானம் 1 பில்லியன் டாலர் என்பது குறிப்பிடத்தக்கது.

1 பில்லியன் டாலர் என்பது உண்மையில் இன்போசிஸ் நிறுவனத்திற்கு மிகப்பெரிய ஆபத்து தான்.

வோல்டாஸ்

1990ஆம் ஆண்டில் வோல்டாஸ் நிறுவனத்தில் தனது பணியைத் துவங்கிய சாம்சன் டேவிட் 1992ஆம் ஆண்டு முதல் இன்று வரை இன்போசிஸ் நிறுவனத்தில் பணியாற்றி வருகிறார்.

இன்போசிஸ் நிறுவனத்தில் பயிற்சி மென்பொருள் பொறியாளராகச் சேர்ந்த சாம்சன் டேவிட் இந்நிறுவனத்தில் பல்வேறு முக்கியப் பணிகளில் பணியாற்றியுள்ளார்.

நாராயணா..!