டெல்லி: மொத்த விலை பணவீக்கம் (WPI) அடிப்படையில் 2016ஆம் ஆண்டு மே மாதம் 0.79 சதவீதமாக இருந்த பணவீக்கம் ஜூன் மாதத்தில் 20 மாத உயர்வை பதிவு செய்து 1.62% ஆக உயர்ந்துள்ளது.

உணவு பொருட்கள் உயர்வே மொத்த விலை பணவீக்கம் உயர்வுக்கான முக்கிய காரணமாக அமைந்துள்ளது. உணவுப் பணவீக்கம், கடந்த நிதியாண்டின், ஜூன் மாதம் 3.12 சதவீதமாக இருந்தது தற்போது நடப்பு ஆண்டின் ஜூன் மாதம் 8.18 சதவீதம் அடைந்துள்ளது.

கடந்த வருடம் ஜூன் மாதம் மொத்த விலை பணவீக்கம் 2.13 சதவீதமாக இருந்தபோது, காய்கறிகளின் விலை 16.91 சதவீதமும், பருப்பு வகைகளின் விலை 26.61 சதவீதமும் உயர்ந்தன.

உற்பத்தி பொருட்கள் பிரிவின் கீழ், உணவு பொருட்கள் பணவீக்கம் 8.35 சதவீதம் உயர்ந்ததுள்ளன.

சர்க்கரை பொருட்கள் விலை 21.09 சதவீதம் அதிகரித்தது.

மொத்த விலை பணவீக்கம் குறித்து டெலாய்ட் நிறுவனத்தின் மூத்த பொருளாதார ஆய்வாளர் ரிச்சா குப்தா கூறுகையில் மொத்த விலை பணவீக்கம் எதிர்பார்த்த நிலையில் தான் சென்றுகொண்டிருக்கிறது.

இதனுடன் உணவு விலை உயர்வும் அதிகரித்துக் கொண்டுவருகிறது.

உலகலாவிய உணவு பொருட்கள் சந்தையில் உணவு விலை தொடர்ந்து அதிகரித்துக் கொண்டே இருக்கும் வரை பணவீக்கமும் உயர்ந்து கொண்டே இருக்கும் என்று கூறினார்.