ஏற்றுமதி

இதனால் ஜூன் மாதத்தில் இந்தியாவில் ஏற்றுமதி செய்யப்பட்ட பொருட்களின் மதிப்பு 22.57 பில்லியன் டாலராக உயர்ந்துள்ளது குறிப்பிடத்தக்கது.

முக்கிய பொருட்கள்

இக்காலகட்டத்தில் இன்ஜினியரிங், மருந்து பொருட்கள், விவசாயப் பொருட்கள், எலக்ட்ரானிக், கார்பெட் மற்றும் கைவினைப் பொருட்களின் ஏற்றுமதி அளவு அதிகளவில் அதிகரித்துக் காணப்படுகிறது.

இறக்குமதி

2016ஆம் ஆண்டு ஜூன் மாதத்தில் இறக்குமதி அளவு 7.33 சதவீதம் குறைந்து 30.68 பில்லியன் டாலராகக் குறைந்துள்ளது. இதனால் கடந்த வருடம் 10.82 பில்லியன் டாலராக இருந்து வர்த்தகப் பற்றாக்குறை நடப்பு நிதியாண்டில் 8.11 பில்லியன் டாலராக உயர்ந்துள்ளது.

தங்கம்

தங்க இறக்குமதியில் 38.54 சதவீதம் குறைந்துள்ளதே வர்த்தகப் பற்றாக்குறைக்கு முக்கியக் காரணமாக அமைந்துள்ளது.

எண்ணெய் இறக்குமதி

கச்சா எண்ணெய் இறக்குமதி அளவுகளும் 16.472 சதவீதம் குறைந்து 7.25 பில்லியன் டாலர் குறைந்துள்ளது. எண்ணெய் இல்லாத பிற திரவப் பொருட்களின் இறக்குமதி அளவும் 4.11 சதவீதம் குறைந்துள்ளது. இதனால் இதன் இறக்குமதி மதிப்பு 23.43 பில்லியன் டாலராகக் குறைந்துள்ளது.

முதல் காலாண்டு

ஏப்ரல்- ஜூன் மாதம் வரையிலான காலகட்டத்தில் இந்தியாவில் இருந்து ஏற்றுமதி செய்யப்பட்ட பல்வேறு பொருட்களின் மதிப்பு 65.31 பில்லியன் டாலராக உள்ளது. கடந்த நிதியாண்டை ஒப்பிடுகையில் இதன் அளவு 2.07 சதவீதம் குறைவாகும்.

காலாண்டு இறக்குமதி

இதேபோல் 2016ஆம் ஆண்டின் முதல் காலாண்டில் ஏப்ரல்- ஜூன் மாதம் காலத்தில் இறக்குமதி மதிப்பு 84.54 பில்லியன் டாலராக உள்ளது. கடந்த நிதியாண்டை ஒப்பிடும் போது இது 14.53 சதவீதம் குறைவாகும்.

வர்த்தக பற்றாக்குறை

முதல் காலாண்டு வர்த்தகப் பற்றாக்குறையாக 2016ஆம் ஆண்டில் 19.23 பில்லியன் டாலராக உள்ளது. கடந்த நிதியாண்டில் இதன் அளவு 32.22 பில்லியன் டாலராக இருந்து குறிப்பிடத்தக்கது.