இன்போசிஸ்

விஷால் சிக்கா நியமனத்திற்கு முன்னும் சரி, பின்னும் சரி, இன்போசிஸ் நிறுவனத்தின் உயர் அதிகாரிகள் பலர் இந்நிறுவனத்தை விட்டுத் தொடர்ந்து வெளியேறி வருகின்றனர்.

இதனால் இந்நிறுவனத்தின் அஸ்திவாரமே ஆடிப்போய் உள்ளது. கடந்த 3 வருட இன்போசிஸ் வரலாற்றில் சுமார் 15க்கும் மேற்பட்ட உயரதிகாரிகள் இந்நிறுவனத்தை விட்டு வெளியேறியுள்ளது.

காலாண்டு முடிவுகள்

2016ஆம் ஆண்டு முதல் காலாண்டு முடிவுகள் மற்றும் அதன் விளைவுகளைக் கண்ட இன்போசிஸ் நிறுவனர்கள், இதை இப்படியே விட்டா சரியாகாது என விஷால் சிக்கா மூலம் உயர் மட்ட நிர்வாகக் குழுவில் பல அதிகாரிகளை மாற்றினர்.

இதுமட்டும் அல்லாமல் சில முக்கிய அதிகாரிகளை நிறுவன இணைப்பு மற்றும் கைப்பற்றுதல் மற்றும் மிகப்பெரிய வர்த்தகத்தை அளிக்கும் டீல்-களைப் பெற வேண்டும் எனக் கடுமையான சூழல்களுக்குள் இன்போசிஸ் நிர்வாகம் தள்ளியுள்ளது.

டா டா...

இப்படி உயர்மட்ட நிர்வாகக் குழுவில் செய்யப்பட்ட மாற்றங்களை விரும்பாத முன்னாள் இன்போசிஸ் பிபிஓ பிரிவின் சீஇஓ அனுப் உபாதயா இன்போசிஸ் நிறுவனத்தை விட்டு முழுமையான வெளியேறியுள்ளார். இவரது பதிவியில் தற்போது அனந்த ராதாகிருஷணன் நியமிக்கப்பட்டுள்ளார்.

சிக்கலான சிக்கா

விஷால் நியமனத்திற்குப் பின் அதாவது ஆகஸ்ட் 2014க்குப் பின் அனுப் உபாதயா உடன் சேர்த்து சுமார் 6 பெரும் தலைகள் வெளியேறியது இன்போசிஸ் உயர்மட்ட நிர்வாகக் குழுவிற்கு அதிர்ச்சி அளித்துள்ளது.

செயற்கை நுண்ணறிவு

இந்நிறுவனத்தின் மிகப்பெரிய நம்பிக்கை நட்சத்திரமாக விளங்கும் இந்த MANA பிரிவில் சில மாதங்கள் முன்பே விஷால் சிக்காவின் நேரடி தலையீட்டின் பெயரில் இப்பிரிவின் ஐடி இன்ஃபரா தலைவராகச் சாம்சன் டேவிட் நியமிக்கப்பட்டார்.

5 பெரும் தலைகள்

விஷால் சிக்கா நியமனத்திற்குப் பின் இன்போசிஸ் நிறுவனத்தில் இருந்து வெளியேறும் 5வது பெரும் தலை சாம்சன் டேவிட். இதற்கு முன் இந்நிறுவனத்தின் தலைமை நிதியியல் அதிகாரி ராஜிவ் பன்சால், தற்போதைய எல்&டி இன்போடெக் சீஇஓ சஞ்சய் ஜவோநா, இன்போசிஸ் பிபிஓ தலைவர் கெளதம் தாக்கர், யெட்ஜ்வர்வ் நிறுவனத்தின் தலைவர் மைக்கில் ரே ஆகியோர் கடந்த 2 வருடத்தில் இன்போசிஸ் நிறுவனத்தை விட்டு வெளியேறியுள்ளனர்.

இணைப்பு மற்றும் கைப்பற்றுதல்

இன்போசிஸ் நிறுவனத்தின் இணைப்பு மற்றும் கைப்பற்றுதல் அதாவது ஐடி மொழியில் சொல்ல வேண்டும் என்றால் mergers and acquisitions பிரிவின் தலைவராகத் தீபக் படாகி நியமிக்கப்பட்டுள்ளார்.

இன்னோவேஷன் பண்ட்

இந்நிலையில் 500 மில்லியன் டாலர் இன்போசிஸ் இன்னோவேஷன் பண்ட் பிரிவின் தலைவர் எஸ்ஏபி நிறுவனத்தில் இருந்து இன்போசிஸ்-க்கு தாவிய ரித்திகா சூரி, தற்போது இந்தப் பணியுடன் மிகப்பெரிய வர்த்தகத்தை(வருவாய்) அளிக்கும் டீல்-களைப் பெறும் பணியில் ஈடுபடுத்தப்பட்டுள்ளார்.

சாம்சன் டேவிட்

இவர் இன்போசிஸ் நிறுவனத்தின் MANA பிரிவு மட்டும் அல்லாலமல், கிளவுட், இன்ஃபாரஸ்டக்சர் மற்றும் பாதுகாப்புப் பிரிவுகளுக்குத் தலைவராக இருந்து சாம்சன் டேவிட் வெளியேறிய நிலையில் இப்பரிவின் புதிய தலைவராக நரசிம்ம ராவ் மனேபள்ளி நியமிக்கப்பட்டுள்ளார்.

இப்பிரிவுகளின் ஆண்டு வருமானம் 1 பில்லியன் டாலர் என்பது குறிப்பிடத்தக்கது.

குளோபல் கன்சல்டிங்

இன்போசிஸ் நிறுவனத்தின் குளோபல் கன்சல்டிங் பிரிவின் தலைவர் சஞ்சய் புரேஹித் இடத்தில் புதிதாக ராஜேஷ் கிருஷ்ணமூர்த்தி நியமிக்கப்பட்டுள்ளார்.

இந்நிலையில் சீஓஓ பிராவின் ராவ் உடன் இணைந்து மூலபாய விஷயங்களில் சஞ்சய் புரேஹித் பணியாற்ற உள்ளார்.

வருந்தும் விஷால் சிக்கா

இன்போசிஸ் நிறுவனம் சந்தித்த லாப சரிவு மற்றும் நிர்வாகத்தில் ஏற்படுத்த உள்ள மாற்றங்களைக் கண்டு தான் மிகவும் வருந்துவதாக 1.97 லட்ச ஊழியர்களுக்குக் கடிதம் அனுப்பினார் விஷால் சிக்கா.

மனி மனி..

யூடியூப் மூலம் பணம் சம்பாதிப்பது எப்படி..?