1 கோடி அரசு ஊழியர்கள்

அரசு ஏற்கனவே 2.57 மடங்கு சம்பள உயர்வு செய்யப்படும் என்று அறிவித்துள்ள நிலையில், 1 கோடி அரசு ஊழியர்கள் மற்றும் ஓய்வூதியதாரர்கள் 7 சம்பள கமிஷன் மூலம் பயனடைய உள்ளனர்.

இந்தச் சம்பள உயர்வு 2016 ஜனவரி 1 முதல் கணக்கிடப்பட்டு வழங்கப்படுவது குறிப்பிடத்தக்கது.

ஆர்பிஐ

நடப்பு நிதி ஆண்டில் மட்டும் தனது லாபத்தில் இருந்து 65,876 கோடியை ஆர்பிஐ மத்திய அரசுக்கு அளிக்கும் என்று எதிர்பார்க்கப்படுகிறது.

இதனால் நாட்டின் நிதி நிலையில் 7 சம்பள கமிஷன் பரிந்துரைத்த சம்பள உயர்வை வழங்குவதினால் எந்த ஒரு நிதிப்பற்றாக்குறையும் ஏற்படாது என்றும் கூறப்படுகிறது.

அதிகபட்ச ஊதியம் யாருக்கு

அதிகபட்ச ஊதியமாக அமைச்சரவை செயலாளர்களுக்கு 90,000 ரூபாயில் இருந்து 2.5 லட்சம் ரூபாயாகச் சம்பள உயரும் என்று கூரப்படுகிறது.

நுழைவு நிலை ஊதியம்

இப்போது ரூ.7,000 ஆக இருந்த நுழைவு நிலை ஊதியம் ரூ.18,000 ஆக உயர்த்தப்பட்டுள்ளது. அதிகபட்சமாக ரூ.2.5 லட்சமாக நிர்னைக்கப்பட்டுள்ளது.

இனி இரண்டு சம்பள உயர்வு நாட்கள்

இதுவரை ஜூலை 1 ஆம் தேதி மட்டும் இருந்த சம்பள உயர்வு நாள் இனி இரண்டு முறையாக ஜனவரி 1 மற்றும் ஜூலை 1 ஆகிய இரண்டு நாட்களில் வழங்கப்படும்.

மேலும் கொடுப்பனவு உயர்வு குறித்து மாற்றங்கள் பற்றி அமைப்பு பின்னர் முடிவு செய்யும் என்பது குறிப்பிடத்தக்கது.