ஆச்சி நிறுவனம்

இந்த வழக்கைத் தொடர்ந்த தமிழகத்தைச் சேர்ந்த ஆச்சி நிறுவனம் 1995 ஆம் ஆண்டு முதல் ஆச்சி ஸ்பைசஸ் அண்ட் ஃபூட்ஸ் பெயருக்கான உரிமத்தை பதிவு செய்து பயன்படுத்தி வருகிறது. 2008 ஆம் ஆண்டு முதல் இந்த பெயரில் அமெரிக்காவில் பயன்படுத்துவதற்கான உரிமத்தையும் இந்நிறுவனம் பெற்றுள்ளது.

ஆச்சி ஆப்பக் கடை

ஆனால் 2013 ஆம் ஆண்டு அமெரிக்காவில் ராஜூ காலிதாஸ் என்பவர் ஆச்சி ஆப்பக் கடை என்ற பெயரில் உணவகம் ஒன்றைத் துவங்கி உள்ளார்.

ஆச்சி நிறுவனம் என்ற பெயரில் துவங்கியது மட்டும் இல்லாமல் நிறுவனத்தின் லோகோ, போன்றவற்றையும் அப்படியே ஆச்சி ஆப்பக் கடையின் விளம்பரத்திலும் பயன்படுத்தி உள்ளனர்.

இதைத் தொடர்ந்து ஆச்சி நிறுவனம் வழக்கு தொடர்ந்து அதற்கான விசாரனை நடை பெற்று வந்தது.

நிறைய வேறுபாடுகள்

இந்நிலையில் ஆச்சி மசாலா மற்றும் ஆச்சி உணவகம் இரண்டும் வெவ்வேறு பொருட்கள் விற்பனை செய்கின்றது, ஆச்சி என்பது பொதுவான பெயர், இரண்டு நிறுவனத்திற்கும் நிறைய வேறுபாடுகள் உள்ளன என்று எதிர்தரப்பின் வாதம் வைக்கப்பட்டது.

ஆனால் அவர்கள் வாதத்தை நீதிபதிகள் ஏற்கவில்லை. இதனைத் தொடர்ந்து ஆச்சி ஆப்பக் கடை என்னும் பெயருக்கான உரிமத்தை ரத்து செய்து நீதிமன்றம் உத்தரவு அளித்துள்ளது.

முதல் வழக்கு அல்ல

இது போன்ற வழக்குகளை ஆச்சி நிறுவனம் தொடர்வது முதல் முறை அல்ல. இதேப் போன்று பலமுறை நேர்ந்துள்ளது. 2013 ஆம் ஆண்டு ஆச்சி கார்கோ என்ற பெயருக்கு எதிராகவும் மெட்ராஸ் உயர் நீதி மன்றத்தில் வழக்கு தொடர்ந்தது அப்போது இந்த வழக்கை ‘ஆச்சி' என்றால் ‘பாட்டி' இது பொதுவான பெயரே என்று ஆச்சி மசாலாவின் வழக்கை உயர் நீதிமன்றம் நிராகரித்தது.

ஆச்சர்யமாக அமெரிக்காவில் நடந்த இந்த வழக்கிலும் ‘ஆச்சி' என்றால் ‘பாட்டி' இது பொதுவான பெயரே என்ற விவாதத்திற்கு எதிர்மறையான தீர்ப்பு வழங்கப்பட்டு இருப்பது குறிப்பிடத்தக்கது.