ஐரோப்பிய யூனியன் நாடுகளில் இருந்து பிரிட்டன் வெளியேற முடிவு செய்த நாள் முதல் பிரிட்டன் நாட்டின் நாணயமான பவுண்ட் தொடர் சரிவை சந்தித்தது வந்தது.

இதன் எதிரொலியாகத் தற்போதும் அமெரிக்க டாலருக்கு எதிரான பிரிட்டன் பவுண்ட் மதிப்பு 31 வருடச் சரிவை சந்தித்துள்ளது. அதுமட்டும் அல்லாமல் ஐரோப்பிய பகுதியில் அதிகளவில் புழக்கத்தில் இருக்கும் யூரோ நாணயத்திற்கு எதிராகப் பவுண்ட் மதிப்பு 3 வருடச் சரிவை எட்டியுள்ளது.

இன்றைய நாணய சந்தையில் அமெரிக்க டாலருக்கு எதிரான பிரிட்டன் பவுண்ட் மதிப்பு 1.27 பவுண்டாகக் குறைந்துள்ளது. அதேபோல் இந்திய ரூபாய்க்கு எதிரான பிரிட்டன் பவுண்ட் 84.64 ரூபாய் வரை இன்று குறைந்தது குறிப்பிடத்தக்கது.

இன்று லண்டன் பங்குச்சந்தையில் 42.07 புள்ளிகள் வரை சரிந்து 7,031.20 புள்ளிகளை எட்டியுள்ளது.