இன்போசிஸ்

சந்தைக் கணிப்புகளை உடைத்தெறிந்து புதிய வாடிக்கையாளர்கள் மூலம் அதிகளவிலான வர்த்தகத்தைப் பெற்று 2வது காலாண்டில் அதிகளவிலான லாபத்தை அடைந்துள்ளது.

இந்நிறுவனத்தை லாப அளவுகள் மட்டும் சுமார் 6.1 சதவீதம் அளவிற்கு உயர்ந்துள்ளது.

லாபத்தில் உயர்வு

2017ஆம் நிதியாண்டின் முதல் காலாண்டில் இன்போசிஸ் நிறுவனத்தின் லாபம் 3,398 கோடி ரூபாயாக இருந்த நிலையில் தற்போது 3,606 கோடி ரூபாயாக உயர்ந்துள்ளது. இதனால் இந்நிறுவனத்தின் லாப உயர்வின் அளவு டிசிஸ் நிறுவனத்தை விடவும் அதிகமாக உயர்ந்துள்ளது.

இந்நிறுவனத்தின் லாப அளவு 3,526 கோடி ரூபாயாக இருக்கும் எனச் சந்தை கணிப்புகள் வெளியானது, ஆனால் கணிப்புகளை உடைந்தெரிந்து கலக்கியுள்ளது இன்போசிஸ்.

வருவாய்

ஜூன் மாதத்துடன் முடிந்த காலாண்டில் 16,782 கோடி ரூபாயாக இருந்த இன்போசிஸ் வருவாய் அளவு செப்டம்பர் காலாண்டில் 17,310 கோடி ரூபாயாக உயர்ந்துள்ளது.

2017ஆம் ஆண்டின் முதல் காலாண்டை ஒப்பிடுகையில் 2வது காலாண்டில் இந்நிறுவனத்தின் வருவாய் அளவு சுமார் 3.14 சதவீதம் அளவிற்கு உயர்ந்துள்ளது.

கடந்த நிதியாண்டில் இதேக்காலக்கட்டத்தில் இன்போசிஸ் 10.71 சதவீத உயர்வுடன் 16,635 கோடி ரூபாய் வருவாய்ப் பெற்றது குறிப்பிடத்தக்கது.

வாடிக்கையாளர்

2017ஆம் நிதியாண்டின் 2வது காலாண்டில் இன்போதிஸ் சுமார் 78 வாடிக்கையாளர்களைப் பெற்றுள்ளது. இதன் மூலம் இந்நிறுவனம் தற்போது 1,136 வாடிக்கையாளர்களுடன் பணியாற்றி வருகிறது.

ஈவுத்தொகை

இந்நிலையில் இன்போசிஸ் முதலீட்டாளர்களுக்கு ஒரு பங்குக்கு 11 ரூபாய் வீதம் ஈவுத்தொகை கொடுக்கப்பட்டுள்ளது.

வருவாய் வளர்ச்சி குறைப்பு..

சந்தையில் இந்நிறுவனத்தின் வர்த்தகம் பல வழிகளில் பாதிக்கப்பட்ட நிலையில் இன்போசிஸ் நிறுவனம் 2017ஆம் நிதியாண்டுக்கான வருவாய் வளர்ச்சி அளவைக் கடந்த 6 மாதத்தில் 2 முறை குறைத்துள்ளது.

2017ஆம் ஆண்டின் ஏப்ரல் மாதத்தில் 13.5 சதவீதமாக இருந்த வருவாய் வளர்ச்சி அளவை இன்போசிஸ் நிர்வாகம் 10.5-12 சதவீகமாகக் குறைத்தது. தற்போது 1-9 சதவீதமாகக் குறைத்து முதலீட்டாளர்களுக்கு அதிர்ச்சியை அளித்துள்ளது.

பங்குச்சந்தை

இன்போசிஸ் நிறுவனத்தின் லாப அளவுகள் உயர்ந்தாலும் மும்பை பங்குச்சந்தை வர்த்தகத்தில் இந்நிறுவனத்தின் பங்குகள் 5 சதவீதம் வரை சரிந்தது குறிப்பிடத்தக்கது.

டிசிஎஸ் நிறுவனத்தின் காலாண்டு முடிவுகளை படிக்க: