டெல்லி: 2 வருடமாக உச்சத்தில் இருந்த நாட்டின் மொத்த விலை பணவீக்கம் செப்டம்பர் மாதத்தில் குறைந்துள்ளது. 2016ஆம் ஆண்டின் ஆகஸ்ட் மாதத்தில் மொத்த விலை பணவீக்கம் 2 வருட உச்சத்தில் இருந்தது குறிப்பிடத்தக்கது.
வெள்ளிக்கிழமை மாலை மத்திய வர்த்தகம் மற்றும் தொழிற்துறை அமைச்சர் வெளியிட்ட அறிக்கையின் நாட்டின் மொத்த விலை பணவீக்கம் செப்டம்பர் மாதத்தில் 3.57 சதவீதமாகக் குறைந்துள்ளது. ஆகஸ்ட் மாதத்தில் 3.74 சதவீதமாக இருந்தது குறிப்பிடத்தக்கது.
நாட்டின் மொத்த விலை பணவீக்கத்தைக் குறைந்ததற்கு முக்கியக் காரணம் உணவுப் பொருட்களில் விலை சரிவு தான். ஆகஸ்ட் மாதத்தில் உணவுப் பொருட்கள் மீதான பணவீக்கம் 8.23 சதவீதமாக இருந்த நிலையில் செப்டம்பர் மாதத்தில் 5.75 சதவீதமாகக் குறைந்துள்ளது.
இதேபோல் நுகர்வோர் பணவீக்கம் 5.05 சதவீதத்தில் இருந்து 4.31 சதவீதமாகச் செப்டம்பர் மாதத்தில் குறைந்துள்ளது. கடந்த இரு மாதங்களாக CPI எனப்படும் நுகர்வோர் பணவீக்கம் குறைந்து வருகிறது.
மொத்த விலை பணவீக்கத்தில் 64.97 சதவீத மதிப்புடை உற்பத்தித் துறையின் மீதான பணவீக்கம் 2.42 சதவீதத்தில் இருந்து 2.48 சதவீதமாக உயர்ந்துள்ளது.