டொனால்டு டிரம்ப்

அமெரிக்கா அதிபர் தேர்தலில் ஹிலாரி கிளின்டன்-ஐ தோற்கடித்து அரியாசனத்தைப் பிடித்துள்ளார் சர்ச்சைக்குப் பெயர் போன டொனால்டு டிரம்ப்.

இந்நிலையில் இந்திய ஐடி நிறுவனங்களையும் அதன் வர்த்தகத்தையும் அதிகளவில் பாதிப்படைய செய்யும் அவரது 3 முக்கியத் திட்டத்தில் ஒன்றாக உள்ளது விசா கட்டுப்பாடுகள்.

விஷால் சிக்கா

அடுத்தச் சில காலாண்டுகளில் அமெரிக்க அரசின் அதிரடி முடிவுகளால் இன்போசிஸ் நிறுவனத்தின் வருவாய் மற்றும் லாப அளவுகள் பாதிக்கப்படும் என இன்போசிஸ் தலைமை நிர்வாக அதிகாரி விஷால் சிக்கா தெரிவித்துள்ளார்.

இதன் பாதிப்பு எப்படி இருக்கும்..? எவ்வளவு இருக்கும் என எந்த விதமான ஆய்வுகளையும் நடவடிக்கைகளையும் இதுவரை இன்போசிஸ் எடுக்கவில்லை என்றும் சிக்கா கூறினார்.

விசா கட்டுப்பாடுகள்

டொனால்டு டிரம்ப்-இன் புதிய விசா கட்டுப்பாடுகள் மற்றும் கொள்கையின் மூலம் இன்போசிஸ் நிறுவனம் இனி குறைந்த செலவுகளில் இந்திய ஊழியர்களை அமெரிக்காவில் தற்காலிக பணியில் அமர்த்த முடியாது.

இதனால் இன்போசிஸ் தற்போது அமெரிக்காவில் செயல்படுத்தி வரும் மிகப்பெரிய பிராஜெக்ட்கள் அனைத்திற்கும் இனி அமெரிக்கர்கள் பணியில் அமர்த்த வேண்டிய சூழ்நிலை உருவாகியுள்ளது.

அதிகச் செலவினம்

அமெரிக்காவில் உள்ளூர் ஊழியர்களைப் பணியில் அமர்த்தப்படுவதால் தொழில்நுட்பம் சார்ந்த பணிகளில் எவ்விதமான தொய்வும் இருக்காது. ஆனால் நிர்வாகத்திற்கு அதிகச் செலவுகள் உருவாகும்.

காக்னிசென்ட்

அமெரிக்கச் சந்தையில் இந்திய நிறுவனங்களுக்கு அதிகளவிலான போட்டி அளிக்கும் அமெரிக்க நிறுவனமான காக்னிசென்ட், தற்போது நிலவி வரும் சூழ்நிலையைச் சாதகமாகப் பயன்படுத்தினாலும் இதன் மூலம் இன்போசிஸ் நிறுவனத்திற்க பெரிய பாதிப்பு ஏதுமில்லை.

வருவாய் வளர்ச்சி

2016-17ஆம் நிதியாண்டின் முதல் 6 மாத காலத்தில் மட்டும் இன்போசிஸ் இரண்டு முறை தனது வளர்ச்சி விகிதத்தைக் குறைத்து வருடாந்திர வளர்ச்சி விகிதமாக 8-9 சதவீதத்தை அறிவித்துள்ளது.

சப்-கான்டிராக்டர்