சலுகை உள்ள வழித்தடங்கள்

ஏர் ஏசியா அறிவித்துள்ள சலுகை விலையான 407 ரூபாயில் இம்பால்-கவுஹாத்தி வரை செல்லலாம்.

கோவா-ஹைதராபாத் செல்ல 877 ரூபாயும், ஹைதராபாத்-பெங்களூர் செல்ல 938 ரூபாயும், ஜெய்ப்பூர்-புனே செல்ல 2,516 ரூபாயும், புனேவில் இருந்து பெங்களூர் செல்ல 821 ரூபாய் எனவும், பெங்களுரில் இருந்து ஹைதராபாத் செல்ல 663 ரூபாய் எனவும் டிக்கெட் கட்டணங்கள் அறிவிக்கப்பட்டுள்ளது. மேலும் பிற வழித்தடங்களுக்கு ஏர் ஏசியா இணையதளத்தைப் பார்க்கவும்.

போட்டி நிறுவனங்கள்

ஏர் ஏசியா நிறுவனத்தின் போட்டி நிறுவனங்களான கோஏர், ஜெட் ஏர்வேஸ், ஸ்பைஸ் ஜெட், இண்டிகோ போன்ற விமானப் போக்குவரத்து நிறுவனங்கள் ஏற்கனவே தள்ளுபடி விலையில் டிக்கெட்களை அறிவித்துள்ளன.

விமானப் போக்குவரத்தின் டிராஃபிக்கில் இந்தியா வளர்ச்சி

சர்வதேச விமானப் போக்குவரத்துச் சங்கம் வெளியிட்ட அறிக்கையில் சென்ற ஆண்டு இருந்ததை விட இந்தியாவின் உள்நாட்டு விமானப் போக்குவரத்தின் டிராஃபிக் நவம்பர் மாதம் வரை 22.3 சதவீதம் வளர்ச்சியைப் பெற்றுள்ளது.

பிற நாடுகள் சென்ற ஆண்டுடன் ஒப்பிடுகையில் சீனா 14.9 சதவீதமும், ரஷ்யா 15.5 சதவீதமும் வளர்ச்சியைப் பெற்றுள்ளது குறிப்பிடத்தக்கது. 2015-ம் ஆண்டுடன் ஒப்பிடும் போது நவம்பர் மாதம் இந்தியாவின் உள்நாட்டு விமானப் போக்குவரத்தின் டிராபிக் வளர்ச்சி 7.1 சதவீதம் அதிகரித்துள்ளது.

ஸ்பைஸ் ஜெட்

ஸ்பைஸ் ஜெட் நிறுவனம் வெள்ளிக்கிழமை வெளியிட்ட அறிக்கையில் 22 பில்லியன் முதலீட்டில் உள்நாட்டுப் போக்குவரத்து சேவைக்காக 205 போயிங் விமானங்களை வாங்க இருப்பதாக அறிவித்துள்ளது.

வல்லுநர்கள்

100 கோடிக்கும் அதிகமாக உள்ள இந்திய மக்கள் தொகையில் 1.2 பில்லியன் மக்கள் மட்டுமே சென்ற ஆண்டு விமானப் போக்குவரத்தை பயன்படுத்தி உள்ளதாக வல்லுநர்கள் கூறுகின்றனர்.